అల్లు అర్జున్, రష్మిక పుష్ప 2 ఈవెంట్ కోసం కేరళ వెళ్లారు. హైదరాబాద్ నుంచి ప్రత్యేక విమానంలో బయలుదేరిన రష్మిక, అల్లు అర్జున్ లకి కేరళలో ఘనస్వాగతం లభించింది. అయితే విమానంలో సరదాగా మాట్లాడుకుంటున్న రష్మిక అల్లు అర్జున్ ల ఫోటో ఒకటి సోషల్ మీడియాలో పోస్ట్ చేసింది మూవీ టీం.
ఈ ఫోటోలో అల్లు అర్జున్ రష్మిక ఇద్దరూ సరదాగా నవ్వుకుంటూ మాట్లాడుకుంటున్న ఫోజులో ఉన్నారు. అయితే రష్మిక చేతికి బ్యాండేజ్ ఉండటంతో ఆ చేతికి ఏమైందో అని కలవర పడుతున్నారు ఆమె ఫ్యాన్స్. అయితే చేయి బెణకటం, చెయ్యి నొప్పి వంటి చిన్న వాటికే అలాంటి బ్యాండేజ్ వాడతారని కాబట్టి కంగారుపడవలసిన అవసరం లేదని కామెంట్స్ పెడుతున్నారు నెటిజన్స్ దాంతో రిలాక్స్ అయినట్టున్నారు నేషనల్ క్రష్ ఫ్యాన్స్.
ఇక కొచ్చి లో జరిగిన పుష్ప 2 ఈవెంట్ గ్రాండ్ సక్సెస్ అయిందని చెప్పవచ్చు. పుష్ప 2 లో ఒక స్పెషల్ సాంగ్ ఉంది. ఈ పాట పూర్తిగా మలయాళం లోనే ఉంటుంది. పుష్ప 2 సినిమాని ఆరు భాషల్లో విడుదల చేయగా ప్రతి భాషలో కూడా మలయాళం వెర్షనే ఉంటుంది, అది బన్నీ మలయాళ అభిమానులకు ఇస్తున్న కానుక అని చెప్తున్నారు. ఫీలింగ్స్ పేరుతో సంగీత దర్శకుడు దేవి శ్రీ ప్రసాద్ కంపోజ్ చేసిన ఈ పాట మాస్ కి బాగా ఎక్కుతుందని తెలుస్తోంది.
ఈ విషయాన్ని స్వయంగా కేరళ ఈవెంట్లో అల్లు అర్జున్ చెప్పారు. కేరళలో అల్లు అర్జున్ కి ఉన్న ఫ్యాన్ ఫాలోయింగ్ సంగతి అందరికీ తెలిసిందే. పుష్ప వన్ సినిమా అక్కడ భారీ హిట్ అయిన నేపథ్యంలో పుష్ప 2 నుంచి కూడా మంచి హిట్ ని ఎక్స్పర్ట్ చేస్తున్నారు మూవీ టీం. ఇక తాజాగా ఈ సినిమా యొక్క సెన్సార్ కార్యక్రమాలు పూర్తయ్యాయి. సినిమాకి సెన్సార్ బోర్డు యూ/ ఏ సర్టిఫికెట్ జారీ చేసింది.