Balakrishna : బాలకృష్ణ ప్రస్తుతం గోపీచంద్ మలినేని దర్శకత్వంలో సినిమా చేస్తున్నారు. ఈ సినిమాలో శృతి హాసన్ హీరోయిన్ గా నటిస్తోంది. ఈ సినిమాలో బాలయ్య తెలంగాణ యాసలో మాట్లాడుతారని వినికిడి. ఇక ఈ సినిమా షూటింగ్ ప్రస్తుతం సారధి స్టూడియోలో జరుగుతోంది. నిజంగా జరిగినా సంఘటనల ఆధారంగా సినిమా తెరకెక్కుతోంది. ఇక సినీ. ఇక బాలకృష్ణ తన తదుపరి చిత్రాలను కూడా లైన్ లో పెట్టేసాడు.
గోపీచంద్ మలినేని సినిమా తర్వాత అనిల్ రావిపూడి తో ఒక సినిమా చేయనున్నారు. అనిల్ మార్క్ కామెడీ తో బాలయ్య బాబు మాస్ యాక్షన్ తో సినిమా ఉండబోతోందట. F3 సినిమా తరువాత బాలకృష్ణ సినిమా పట్టాలెక్కించనున్నాడు అనిల్ రావిపూడి. ఇక ఈ సినిమా తరువాత మరో సారి బోయపాటి తో సినిమా చేయనున్నాడు బాలకృష్ణ. బాలకృష్ణ, బోయపాటి కాంబినేషన్ అనగానే అంచనాలు అభిమానుల్లో మామలుగా ఉండవు.
వీరిద్దరి కాంబినేషన్ లో వచ్చిన అన్ని సినిమాలు సూపర్ హిట్ అవ్వడమే దీనికి కారణం. 2009 లో సింహ తో హిట్ కొట్టిన వీళ్లు, తరువాత 2014 లో లెజెండ్ సినిమాతో మరోసారి హిట్ కొట్టారు. ఇక ఈ సినిమా ఎపుడు ఎలక్షన్ ముందు రావడంతో తెలుగుదేశం పార్టీ కీ మంచి ఎనర్జీ ఇచ్చిందని అభిమానులు అనుకుంటున్నారు. ఇక ఇటీవల వచ్చిన అఖండ సినిమా మళ్ళీ హ్యాట్రిక్ హిట్ అందుకున్నారు బాలయ్య, బోయపాటి. ఇపుడు మళ్ళీ 2024 ఎన్నికల సమయానికి మళ్ళీ ఒక పొలిటికల్ డ్రామాతో రావాలని ప్లాన్ చేస్తున్నారట. ఈ సినిమా తెలుగు దేశం పార్టీ కీ ప్లస్ అవుతుందని అభిమానులు భావిస్తున్నారు. ఇక బోయపాటి ఇంతకుముందు తెలుగు దేశం పార్టీ ప్రచార పాటలను కూడా తీశారు. దీంతో ఈ సినిమాపై మరింత అంచనాలు నెలకొన్నాయి.