Balakrishna and Raviteja : కరోనా తర్వాత టాలీవుడ్ లో అఖండ సినిమాతో తొలి ఘన విజయాన్ని సాధించారు నందమూరి బాలకృష్ణ. అఖండ తోనే కాకుండా అన్ స్టాప్అబుల్ టాక్ షో తో ఎంతటి ఘన విజయం సాధించిందో అందరికి తెలిసిందే. అన్ స్టోపబుల్ తో ఓ టీ టీ లో చరిత్ర సృష్టించారు.ప్రస్తుతం బాలకృష్ణ గోపీచంద్ మలినేని తో ఒక సినిమాeచేస్తున్న సంగతి తెలిసిందే.ఈ మధ్య నే “క్రాక్” సినిమా తో సూపర్ హిట్ ను అందుకున్న గోపీ చంద్ మలినేని ఇప్పుడు బాలకృష్ణతో ఒక మాస్ ఎంటర్టైనర్ తో ప్రేక్షకుల ముందుకు రాబోతున్నారు.
అయితే ఈ మధ్య బాలకృష్ణ మహేష్ బాబు మల్టీ స్టారెర్ సినిమా చేస్తున్నారన్న వార్తలు వినిపించిన, అందులో వాస్తవం లేదు అని దర్శకుడు రాజమౌళి తెల్చేశారు. ఇప్పుడు మలినేని తర్వాత అనిల్ రావిపూడి సినిమా మొదలు పెట్టనున్నారు బాలకృష్ణ. ప్రస్తుతం ఈ సినిమాకు సంబందించిన ప్రీప్రొడక్షన్ పనులు జరుగుతున్నాయి.అయితే అనిల్ రావిపూడి దర్శకత్వం లో వస్తోన్న సినిమా మల్టీస్టారర్ అని వార్తలు వినిపిస్తున్నాయ్.అందులో మాస్ మహారాజా రవితేజ మరో హీరోగా నటించబోతున్నారని సమాచారం.
ఇప్పటికే కథ ఓకే అయ్యిందని, దీనిపై రవితేజని అప్రోచ్ కాగా ఆయన వెంటనే గ్రీన్ సిగ్నల్ ఇచ్చారని సమాచారం. బాలయ్యకి, రవితేజ తోడైతే అది బాక్సాఫీసు వద్ద మాస్ జాతరే అని చెప్పొచ్చు. మల్టీస్టారర్లో ఇది మరో లెవల్ అవుతుందని చెప్పడంలో అతిశయోక్తి లేదు.రవితేజ ఇప్పటికే చిరంజీవి సినిమాలో కూడా నటిస్తున్నారు.ప్రస్తుతం ఆయన నటించిన `రామారావుః ఆన్ డ్యూటీ` విడుదలకు రెడీ అవుతుంది. దీంతోపాటు `ధమాకా`, `రావణాసుర`, `టైగర్ నాగేశ్వరరావు` చిత్రాలు చేస్తున్నారు రవితేజ.మరి ఈ బాలకృష్ణ- రవితేజ మల్టీస్టారర్ వార్తలో నిజమెంతా అనేది తెలియాల్సి ఉంది.