దర్శకుడు విజయ్ కనకమేడల పూర్తి యాక్షన్ ఎంటర్టైనర్గా తెరకెక్కిస్తున్న చిత్రం భైరవం. టాలీవుడ్ హీరోలు బెల్లంకొండ శ్రీనివాస్, నారా రోహిత్, మంచు మనోజ్ కలిసి నటిస్తున్న ఈ మల్టీస్టారర్ మూవీ నుంచి రోజుకో అప్డేట్ వస్తుండటంతో ప్రేక్షకుల్లో సినిమాపై మంచి బజ్ క్రియేట్ అయింది. ఇప్పటికే ఈ సినిమాలోని లీడ్ పాత్రలకి సంబంధించిన పరిచయం చేశారు.
సినిమాలో నారా రోహిత్ వరద అనే పాత్రలో నటిస్తుండగా మంచు మనోజ్ గజపతి అని పాత్రలో నటిస్తున్నారు. సినిమాలో అదితి శంకర్, దివ్య ఆనంది కీలక పాత్రలలో నటిస్తున్నారు. తాజాగా భైరవం చిత్రం నుంచి లేటెస్ట్ అప్డేట్ ఒకటే విడుదల అయింది ఇందులో టాలీవుడ్ టాలెంటెడ్ డైరెక్టర్ సందీప్ రాజ్ కీలక పాత్రలో నటిస్తున్నట్లు అధికారిక ప్రకటన విడుదల చేశారు. ఇందులో ఆయన పులి రవీంద్ర పాత్రలో కనిపించబోతున్నట్లు తెలుపుతూ ఫస్ట్ లుక్ ని సోషల్ మీడియాలో పోస్ట్ చేశారు.
ఈ విషయంపై సందీప్ రాజ్ స్పందిస్తూ నన్ను ఈ భారీ ప్రాజెక్టులో భాగం చేసినందుకు ధన్యవాదాలు. 2025లో అన్ని అంశాలలో గొప్పగా ఉంటుంది, నన్ను నెగిటివ్ పాత్రలో చూడాలన్న పదేళ్ల కల నిజమైంది అని రాసుకొచ్చారు. ప్రస్తుతం ఈ పోస్టర్ సోషల్ మీడియాలో వైరల్ అవుతుంది. కాగా సందీప్ కలర్ ఫోటో సినిమాకి దర్శకత్వం వహించి భారీ సక్సెస్ ని సాధించారు. ఈ సక్సెస్ఫుల్ డైరెక్టర్ సక్సెస్ఫుల్ యాక్టర్ కూడా కావాలని కోరుకుంటున్నారు ఆయన అభిమానులు.
ఇక ఈ సినిమాకి హరి కే వేదాంతం సినిమాటోగ్రఫీ చేయగా శ్రీ చరణ్ పాకాల మ్యూజిక్ కంపోజ్ చేశారు. ఎడిటర్ చోటా కె ప్రసాద్ కాగా బ్రహ్మ కడలి ప్రాజెక్టు డిజైనర్ గా ఉన్నారు. ఈ చిత్రానికి సంభాషణలు సత్యర్షి మరియు తూమ్ వెంకట్ అందించగా బాలాజీ మరియు తిరుపతి సాహిత్యం అందించారు. పెన్ స్టూడియోస్ కి చెందిన డాక్టర్ జయంతి లాల్ గదా ఈ చిత్రాన్ని సమర్పిస్తున్నారు.