హీరో నాగార్జున గ్యారేజ్ లో మరో లగ్జరీ కారు.. ధర తెలిస్తే షాక్ అవ్వాల్సిందే!

టాలీవుడ్ పరిశ్రమలో 65 ఏళ్ల వయసులో కూడా యాక్టివ్ గా ఉంటూ అందమైన హీరోగా కుర్ర హీరోలకు పోటీ ఇచ్చేటట్లుగా కనిపించే నటుడు హీరో నాగార్జున. ఆయన ఈ వయసులో కూడా తెలుగు సినిమాలే కాకుండా ఇతర భాషలలో కూడా సినిమాలు చేస్తూ మరొకవైపు బిజినెస్ లు చూసుకుంటూ మరొకవైపు బిగ్ బాస్ షో కి హోస్ట్ గా వ్యవహరిస్తూ బిజీ బిజీగా కనిపించే నాగార్జున ఈ మధ్యన ఖైరతాబాద్ ఆర్టీవో ఆఫీస్ లో సడన్గా కనిపించారు.

తన కొత్త కారు రిజిస్ట్రేషన్ కోసం నవంబర్ 27 నాగార్జున ఆర్టిఓ ఆఫీస్ కి వచ్చారు. పెద్ద నటుడు సెలబ్రిటీ అక్కడ కనిపించడంతో కార్యాలయం వద్ద సందడి నెలకొంది. అక్కడ తమ పనుల కోసం వచ్చిన నగరవాసులు ఒక్కసారిగా హీరోతో ఫోటో దిగేందుకు, చూసేందుకు గుమిగూడారు. నాగార్జున కూడా ఏమాత్రం విసుక్కోకుండా వారితో నవ్వుతూ మాట్లాడారు.

విషయం తెలియని అభిమానులు నాగార్జున ఆర్టీవో ఆఫీస్ కి వచ్చారు అంటే మళ్ళీ ఏదో కొత్త కారు కొని ఉంటారు అని ఆరా తీసిన ఫ్యాన్స్ కి తెలిసిన విషయం ఏమిటంటే ఆయన ఇటీవల కొత్తగా లగ్జరీ గారు టయోటా లెక్సస్ ఎల్ ఎమ్ కొనుగోలు చేశారు. దీని ధర దాదాపు 2. 50 కోట్ల వరకు ఉంటుంది. ఆయనకి మామూలుగా లగ్జరీ కార్లు అంటే చాలా ఇష్టం. ఇప్పటికే నాగర్జున గ్యారేజీలో అదనాతనమైన చాలా లగ్జరీ కార్లు ఉన్నాయి. కొత్తగా మార్కెట్లోకి ఏదైనా మోడల్ విడుదలైందంటే వెంటనే దానిని కొనేసి గ్యారేజ్ లో పెట్టుకుంటారు.

ఈ సందర్భంగానే తన కొత్త కారు రిజిస్ట్రేషన్ కోసం ఆర్టీవో ఆఫీస్ కి వెళ్లిన నాగార్జునకి అధికారులు దగ్గరుండి రిజిస్ట్రేషన్ ఏర్పాట్లు చేశారు. రిజిస్ట్రేషన్ ప్రక్రియ వేగవంతమయ్యేలా చర్యలు తీసుకున్నారు. ఇక నాగార్జున కొత్త సినిమాల విషయానికి వస్తే ప్రస్తుతం డైరెక్టర్ శేఖర్ కమ్ముల దర్శకత్వంలో కుబేర చిత్రంలో నటిస్తున్నారు ఇందులో కోలీవుడ్ హీరో ధనుష్ సైతం ప్రధాన పాత్ర పోషిస్తున్నాడు. అలాగే రజనీకాంత్ నటించిన కూలీ చిత్రంలో కూడా స్పెషల్ రోల్ చేస్తున్నారు నాగార్జున.