టాలీవుడ్ ఇండస్ట్రీలో బుట్ట బొమ్మగా ఎంతో పేరు ప్రఖ్యాతలు సంపాదించుకున్న పూజా హెగ్డే గురించి పరిచయం అవసరం లేదు. వరుస సినిమాలతో ఎంతో బిజీగా ఉన్నటువంటి పూజా హెగ్డే కెరియర్ కు కాస్త బ్రేక్ పడినట్లు అయింది. దువ్వాడ జగన్నాథం సినిమాతో హిట్ అందుకున్న ఈమె వరుస హిట్ సినిమాలతో ఇండస్ట్రీలో ఎంతో బిజీగా మారిపోయారు అయితే రాధే శ్యామ్ సినిమాతో ఒక్కసారిగా ఫెయిల్యూర్ తన ఖాతాలో పడటంతో అనంతరం ఈమె నటించిన బీస్ట్, ఆచార్య సినిమాలు కూడా డిజాస్టర్ గా నిలిచాయి.ఇలా వరుసగా మూడు సినిమాలు ఫ్లాప్ అయినప్పటికీ పూజ క్రేజ్ ఏ మాత్రం తగ్గలేదు.
ఇకపోతే పూజా హెగ్డే తాజాగా వరుస సినిమాలతో ఎంతో బిజీగా ఉన్నారు. ఇప్పటికే ఈమె బాలీవుడ్ హీరో సల్మాన్ ఖాన్ నటించిన సినిమాలో ఛాన్స్ కొట్టేశారు. అదే విధంగా తెలుగులో కూడా త్రివిక్రమ్ శ్రీనివాస్ మహేష్ బాబు నటించిన సినిమాలలో హీరోయిన్ గా నటించే అవకాశాన్ని అందుకున్నారు. ప్రస్తుతం ఈ సినిమా షూటింగ్ పనులని జరుపుకుంటుంది.అదేవిధంగా విజయ్ దేవరకొండ పూరి జగన్నాథ్ కాంబినేషన్లో వస్తున్న జనగణమన సినిమాలో కూడా ఈమె నటిస్తున్నారు ఈ సినిమా కూడా ఫస్ట్ షెడ్యూల్ పూర్తిగా అయింది. అయితే ప్రస్తుతం ఈ సినిమా షూటింగ్ పక్కన పెట్టినట్లు సమాచారం.
ఇలా పలు సినిమాలతో ఎంతో బిజీగా ఉన్నా పూజ హెగ్డే మరో ఛాన్స్ కొట్టేసినట్లు తెలుస్తుంది. ఈసారి కూడా ఈమె మెగా హీరోతో సందడి చేయడం విశేషం.పవర్ స్టార్ పవన్ కళ్యాణ్ హరి శంకర్ కాంబినేషన్లో రాబోతున్న భవదీయుడు భగత్ సింగ్ సినిమాలో పూజా హెగ్డే నటిస్తుందని ఇదివరకు వార్తలు వచ్చినప్పటికీ ఈ విషయంపై ఎలాంటి క్లారిటీ లేదు అయితే తాజాగా పూజ హెగ్డే పుట్టినరోజు సందర్భంగా డైరెక్టర్ హరీష్ శంకర్ పూజా హెగ్డే పుట్టినరోజు శుభాకాంక్షలు తెలియజేయడమే కాకుండా త్వరలోనే మీతో కలిసి సెట్ లో వర్క్ చేయడానికి ఎదురు చూస్తున్నాను అంటూ చేసిన ట్వీట్ వైరల్ అయింది. దీంతో పవర్ స్టార్ పవన్ కళ్యాణ్ భవదీయుడు భగత్ సింగ్ సినిమాలో నటించే అవకాశాన్ని పూజా హెగ్డే దక్కించుకుందని తెలుస్తోంది.