గత వారం బుల్లితెరపై కొత్త షోలు హడావిడి చేశాయి. ఆదివారం నాడు ఏకంగా మూడు షోలు ప్రారంభమయ్యాయి. అందులో సుమ హోస్ట్‌గా వచ్చిన స్టార్ట్ మ్యూజిక్ పాతదే. కానీ దానికి సుమను హోస్ట్‌గా తీసుకొచ్చి మళ్లీ కొత్తగా ప్రారంభించారు. ఇది కాకుండా ఈటీవీలో శ్రీదేవీ డ్రామా కంపెనీ, స్టార్ మాలో కామెడీ స్టార్స్ అంటూ రెండు కొత్త షోలు ప్రారంభమయ్యాయి. కాన్సెప్ట్, స్లాట్ ఇలా ఏ రకంగా చూసినా కూడా ఈ రెండు బాగానే పోటి పడ్డాయి.
అయితే స్టార్ మాలో ఆదివారం మధ్యాహ్నం 12 గంటల నుంచి 3 గంటల వరకు అదిరిపోయే ప్లానింగ్ వేశారు. 12 గంటల నుంచి 1 30 గంటల వరకు సుమ స్టార్ట్ మ్యూజిక్ షో.. ఆ తరువాత మూడింటి వరకు కామెడీ స్టార్స్ షో వస్తుంది. ఇలా ఓ కంటిన్యూటి ఉంది.అయితే ఈటీవీలో మాత్రంనేరుగా 1 30 గంటలకు శ్రీదేవీ డ్రామా కంపెనీ షో ప్రారంభమైంది. అయితే ఇప్పుడు టీఆర్పీ లెక్కలన్నీ బయటకు వచ్చాయి.
ఇందులో అన్నింటి కంటే ఎక్కువగా కామెడీ స్టార్స్ 9.8 వ్యూయర్ షిప్ వచ్చింది. ఇలా లాంచింగ్ షోకు రావడం మంది ప్రారంభమే. అయితే మరో వైపు సుమ కూడా దంచి కొట్టింది. సుమ సింగిల్ హ్యాండ్‌గానే 9.6 వ్యూయర్ షిప్‌ను రాబట్టింది. దీనిపై సుమ స్పందిస్తూ ఎమోషనల్ అయింది. ఇంత మంచిగా గ్రాండ్ ఓపెనింగ్ ఇచ్చినందుకు, ప్రేమ కురిపించినందుకు అందరికీ థ్యాంక్స్ అంటూ సుమ చెప్పుకొచ్చింది.