చిన్న సినిమాగా వచ్చి పెద్ద సక్సస్ అయిన సినిమాలు ఇండస్ట్రీలో చాలానే ఉన్నాయి. పెళ్ళి చూపులు మొదలకొని.. ఆమధ్య వచ్చిన కేరాఫ్ కంచర పాలేం వరకు చిన్న సినిమాలుగా రిలీజై పెద్ద సక్సస్ ని అందుకొని ఇండస్ట్రీలో ఉన్న ప్రముఖులందరి ప్రశంసలు అందుకున్నాయి. తాజాగా కూడా అలాంటి సినిమా ఒకటి అల్లు అరవింద్ ఆహాలో రిలీజై టాలీవుడ్ ప్రముఖుల నుంచి గొప్ప ప్రశంసలు అందుకుంటోంది.
ఈ క్రమంలోనే స్టైలిష్ స్టార్ అల్లు అర్జున్ కూడా ఈ చిత్ర బృందాన్ని అభినందించాడు. ఆ సినిమా కలర్ ఫోటో. సుహాస్, చాందిని చౌదరి, సునీల్ ల తో పాటు చిత్ర యూనిట్ మీద అల్లు అర్జున్ ప్రశంసల జల్లు కురిపించాడు. ఇటీవలే ఆహా లో రిలీజైన కలర్ ఫోటో సినిమా మంచి విజయాన్ని అందుకుంది. దాంతో ఇండస్ట్రీలోని వారు ఒక్కొక్కరుగా సినిమాని చూసి చిత్ర బృందాన్ని ప్రశంసిస్తున్నారు. జగపతి బాబు కూడా చిత్ర యూనిట్ ప్రశంసిస్తూనే ఇలాంటి సినిమాలో నాకు ఎందుకు అవకాశం రాలేదన్న అభిప్రాయాన్ని వ్యక్తం చేశారు.
సందీప్ రాజ్ డైరక్షన్ లో వచ్చిన కలర్ ఫోటో సినిమా ప్రేక్షకులని విపరీతంగా ఆకట్టుకుంది. థియోటర్స్ లో గనక ఈ సినిమా రిలీజై ఉంటే ఇంకా పెద్ద సక్సస్ అయి ఉండేదన్న టాక్ కూడా వినిపిస్తుంది. మొత్తానికి ఎలాంటి అంచనాలు లేకుండా రిలీజైన కలర్ ఫోటో ఇంత పెద్ద సక్సస్ అవడం మరింత మంది కొత్త టాలెంట్ కి ఇన్స్పిరేషన్ గా నిలిచింది. కాగా ఈ సినిమాలో హీరోయిన్ గా నటించిన చాందిని చౌదరీ ఆ మధ్య కాస్త అసహనం వ్యక్తం చేసింది.
నాలాంటి టాలెంట్ ఉన్న అమాయికి ఇక్కడ పెద్దగా అవకాశాలు రావడం లేదని ఫీలయింది. కాగా ఇటీవలే చిత్ర యీనిట్ ని ప్రశంసించిన అల్లు అర్జున్ చాందిని నటనని పొగడటమే కాకుండా తన సినిమాలో ఛాన్స్ ఇస్తానన్న మాట కూడా చెప్పినట్టు తెలుస్తుంది. మొత్తానికి చాందినీ చౌదరి కి అల్లు అర్జున్ సినిమాలో ఛాన్స్ అంటే ఇక టాలీవుడ్ లో తిరుగుండదన్న మాట వినిపిస్తోంది.