అల్లు అర్జున్ సుకుమార్ హిట్ కాంబినేషన్ లో తెరగెక్కుతున్న పుష్ప 2 సినిమా కోసం ప్రపంచవ్యాప్తంగా ఉన్న సినీ ప్రియులందరూ ఎదురుచూస్తున్నారు. ఈ మూవీకి సంబంధించిన ఏ చిన్న ఇన్ఫర్మేషన్ అయినా అది క్షణాల్లో వైరల్ అవుతుంది. డిసెంబర్ 5న ఈ సినిమా ప్రపంచవ్యాప్తంగా విడుదలవుతున్న సందర్భంగా ప్రమోషన్స్ జోరు పెంచారు మూవీ టీం.
ఇప్పటికే పాట్నాలోని, చెన్నైలోని ప్రమోషనల్ ఈవెంట్స్ నిర్వహించారు. రెండు చోట్ల ఈవెంట్స్ పెద్ద సక్సెస్ అయ్యాయి. ఇక తాజాగా కేరళలోని కొచ్చిలో కూడా ప్రమోషనల్ ఈవెంట్ నిర్వహించగా అక్కడ కూడా బన్నీకి ఘన స్వాగతం లభించడంతోపాటు ఈవెంట్ ని గ్రాండ్ సక్సెస్ చేశారు కేరళ వాసులు. అక్కడ స్టేజి మీద అల్లు అర్జున్ మాట్లాడుతూ కేరళ వాసుల్ని తెగ పొగిడేసాడు.
అలాగే సినిమాలో విలన్ గా నటిస్తున్న ఫహద్ ఫాజిల్ గురించి మాట్లాడుతూ అతనితో నటించడం చాలా ఆనందంగా ఉంది ప్రపంచవ్యాప్తంగా ఉన్న కేరళ అందరూ అతని నటనని చూసి గర్వపడతారు అంటూ ఫాహద్ ఫాజిల్ ని తెగ మెచ్చుకున్నాడు. అలాగే ఆర్య సినిమాతో తనకి కేరళలో మార్కెట్ ఏర్పడిందని అందుకు కారణం సుకుమార్ అని అతనిని కూడా ఆకాశానికి ఎత్తేసిన అల్లు అర్జున్ దేవి శ్రీ ప్రసాద్ గురించి కూడా మాట్లాడాడు. ఈ సినిమాకి అతను మంచి మ్యూజిక్ ఇచ్చాడు.
నాకు ఎంతో ఇష్టమైన దేవిశ్రీప్రసాద్ కి స్పెషల్ థాంక్స్, నా కెరియర్ లో ఎన్నో సూపర్ హిట్ సాంగ్స్ అందించాడు. బన్నీ, ఆర్య, పుష్ప, పుష్ప 2 లో మంచి పాటలు ఇచ్చారు. థాంక్యూ మై డియర్ ఫ్రెండ్ అన్నారు. ఈ మాటలకి రెస్పాండ్ అయిన దేవి శ్రీ ప్రసాద్ అల్లు అర్జున్ కి సోషల్ మీడియా ద్వారా థాంక్స్ చెప్తూ బన్నీ స్పీచ్ ని షేర్ చేశారు. థాంక్యూ బన్నీ బాయ్, ఐ కాన్ స్టార్ అని పేర్కొన్నారు. ఇటీవల స్టేజ్ మీదే సినిమా నిర్మాతలపై దేవి శ్రీ ప్రసాద్ ఫైర్ అయిన విషయం అందరికీ తెలిసిందే.