ఐ కాన్ స్టార్ అల్లు అర్జున్, రష్మిక మందన్న జంటగా నటిస్తున్న పాన్ ఇండియా మూవీ పుష్ప 2 డిసెంబర్ 5 నా రిలీజ్ కాబోతోంది. దాంతో సినిమా ప్రమోషన్స్ జోరు పెంచింది మూవీ టీం. ఇందులో భాగంగా చెన్నైలోని లియో ముత్తు ఇండోర్ స్టేడియంలో సినిమాకి సంబంధించిన వైల్డ్ ఫైర్ ఈవెంట్ నిర్వహించింది మూవీ టీం.
ఈ వేడుకకి అల్లు అర్జున్, రష్మిక, శ్రీ లీల, కోలీవుడ్ దర్శకుడు దిలీప్ కుమార్ తో పాటు సినిమాలో నటించిన చాలామంది నటులు పాల్గొన్నారు. ఇదే వేడుక పై పుష్ప 2 లో స్పెషల్ సాంగ్ అయిన కిస్సిక్ సాంగ్ ని కూడా విడుదల చేశారు. ఈ సందర్భంగా అల్లు అర్జున్ మాట్లాడుతూ చెన్నై వస్తే ఆ ఫీలే వేరు. నాకు చెన్నై తో ప్రత్యేక అనుబంధం ఉంది.నా జీవితంలో మొదటి 20 ఏళ్లు చెన్నైలోనే గడిచాయి. నేనేం సాధించినా అదంతా చెన్నైకే అంకితం.
మీ జీవితంలోని తొలి 20 ఏళ్ళు ఎలా గడిపారో మిగతా జీవితం అలా ఉంటుంది అని చెప్పుకొచ్చిన అల్లు అర్జున్ మైత్రి మూవీ మేకర్స్ ని పొగడ్తలతో ముంచేసాడు. పుష్ప సినిమాని మైత్రి మూవీ మేకర్స్ చేసినట్లు ఏ సంస్థ చేయలేదు మాకు సొంత నిర్మాణ సంస్థ ఉన్నప్పటికీ కూడా ఇలా చెప్తున్నాను. మైత్రి మూవీస్ సంస్థ లేకపోతే అసలు పుష్ప సినిమా నే లేదు ఈ సినిమా కోసం సుకుమార్ గారు నిర్మాతలు, కెమెరామెన్, ఆర్ట్ డైరెక్టర్ ఇలా ప్రతి ఒక్కరూ ఎంతో కష్టపడ్డారు నా ప్రాణ స్నేహితుడు దేవి శ్రీ ప్రసాద్.
నా సినిమా అంటే ప్రేమతో పనిచేస్తారు నేను 20 సినిమాలకు పనిచేస్తే ఆయనే 10 సినిమాల వరకు మ్యూజిక్ అందించారు. దేవి శ్రీ ప్రసాద్ ప్రతిసారి నన్ను వేదిక మీద డాన్స్ చేయమని అడుగుతారు కానీ నేను మాత్రం టికెట్ కొనుక్కొని వెళ్లి థియేటర్లో చూడు అని సమాధానం చెబుతాను అని చెప్పుకొచ్చారు. అలాగే హీరోయిన్లు శ్రీ లీల, రష్మిక ల పై కూడా ప్రశంసల వర్షం కురిపించారు. ఆయన చేసిన కామెంట్స్ ఇప్పుడు వైరల్ అయ్యాయి.
