ప్రపంచవ్యాప్తంగా అందరూ ఎంతో ఆతృతగా ఎదురుచూస్తున్న పుష్ప 2 సినిమా విడుదల చాలా దగ్గరలోనే ఉంది. ప్రస్తుతం ఈ సినిమా ప్రమోషన్స్ లో మూవీ టీం ఫుల్ బిజీగా ఉన్నారు సోషల్ మీడియాలో ఎక్కడ చూసినా పుష్ప2 పేరే మారుమోగిపోతుంది. అల్లు అర్జున్, రష్మిక మందన్న జంటగా నటిస్తున్న ఈ సినిమా నుంచి విడుదలైన పోస్టర్లు, ట్రైలర్లు, సాంగ్స్ సినిమాపై మంచి హైప్ ని తీసుకువచ్చాయి.
అయితే ఈ సినిమా షూటింగ్ ప్రారంభమైనప్పటి నుంచి ఐకాన్ స్టార్ అల్లు అర్జున్ నాన్ స్టాప్ గా కష్టపడుతూనే ఉన్నాడు. ఈ సినిమా విడుదలైన తరువాత కాస్త బ్రేక్ తీసుకోవాలని భావిస్తున్నాడంట. ప్రస్తుతం ప్రమోషన్లని,ఇంటర్వ్యూ లని, ప్రెస్ మీట్లని బిజీ బిజీగా గడుపుతున్న అల్లు అర్జున్ వచ్చే ఏడాది జనవరి నుంచి 6 నెలలపాటు విశ్రాంతి తీసుకోబోతున్నారని సోషల్ మీడియాలో టాక్ వినిపిస్తోంది.
భార్య పిల్లలతో ఫారిన్ టూర్లకి వెళ్లి రిలాక్స్ అవ్వాలని భావిస్తున్నాడట అల్లు అర్జున్. ఈ సినిమాకి దాదాపు 2000 కోట్ల టార్గెట్ పెట్టుకున్న అల్లు అర్జున్ దానికి తగినట్లే కష్టపడ్డాడని చెప్పుకోవచ్చు. టూర్ నుంచి వచ్చిన తర్వాత అల్లు అర్జున్ త్రివిక్రమ్ శ్రీనివాస్ దర్శకత్వం లో వస్తున్న సినిమాలో నటిస్తాడని, ఈ మూవీ మైథిలాజికల్ మూవీ అని కొందరు హిస్టారికల్ మూవీ అని కొందరు చెప్తున్నారు.
మంగోలియన్ల నాయకుడు చెంగిస్ ఖాన్ పాత్రలో కనిపించబోతున్నట్లు సోషల్ మీడియాలో వార్తలు తెగ చక్కెర్లు కొడుతున్నాయి. మరి ఈ విషయంలో ఎంతవరకు నిజం అనేది అఫీషియల్ గా అనౌన్స్ అయితేనే గాని తెలియదు. ఇక పుష్ప 2 సినిమా విషయానికి వస్తే యూట్యూబ్లో ఇప్పటికే ఎన్నో రికార్డులు క్రియేట్ చేసింది. అత్యంత వేగంగా వంద మిలియన్ న్యూస్ సాధించిన భారతీయ చిత్రంగా నిలిచింది. దీంతో సినిమా కూడా రికార్డుల మోత ముగిస్తుంది అనే ధీమాని వ్యక్తం చేస్తున్నారు మూవీ టీం.
