ఎవరు ఔనన్నా ఎవరు కాదన్నా మెగా కాంపౌండ్ అలాగే అల్లు కాంపౌండ్ మధ్య గ్యాప్ ఏర్పడింది.. అది పెద్దదవుతూ వస్తోంది. అల్లు అర్జున్ అభిమానులే దీనికి కారణం. ‘అల్లు అర్జున్ ఆర్మీ’ పేరుతో కొందరు ఈ మధ్య వేస్తోన్న వెకిలి వేషాలు అత్యంత అసభ్యకరంగా మారుతున్నాయ్. ‘అదరికీ అభిమానులుంటే..
నాకు ఆర్మీ వుంది’ అని అల్లు అర్జున్ చెప్పడంతో, ఆ ఆర్మీ పేరుతో అల్లు అర్జున్ అభిమానులు మరింతగా రెచ్చిపోతున్నారు. ‘ఎవడ్నీ లెక్క చేయం..’ అంటూ చిరంజీవి, పవన్ కళ్యాణ్, రామ్ చరణ్‌లనీ తూలనాడుతున్నారు ఆ సోకాల్డ్ ఆర్మీ పేరుతో అభిమానులు. ఈ విషయమై అల్లు అరవింద్ కూడా ఒకింత ఆందోళన చెందుతున్నారట.
దాంతో, అల్లు అర్జున్ త్వరలోనే అభిమానులతో భేటీ అయి, ‘ఇతర హీరోల అభిమానులతో గొడవలొద్దు’ అని సుద్దులు చెప్పాలనే నిర్ణయానికి వచ్చినట్లు తెలుస్తోంది. అదే గనుక జరిగితే, అది మెగా – అల్లు కాంపౌండ్ల మధ్య గ్యాప్ తగ్గించేందుకు చేపట్టిన చర్యే అవుతుంది. ఫిబ్రవరి మొదటి వారంలో ఈ అభిమానులతో అల్లు అర్జున్ ఆత్మీయ సమావేశం వుంటుందని అంటున్నారు.