స్టైలిష్ స్టార్ అల్లు అర్జున్, త్రివిక్రమ్ కాంబినేషన్‌లో మరో సినిమా అనౌన్స్ అయినప్పటి నుంచీ దీనిపై భారీ అంచనాలు ఉన్నాయి. అయితే ఈ ప్రాజెక్ట్ సెట్స్‌పైకి వెళ్లేందుకు మరింత సమయం పడనున్నట్లు తెలుస్తోంది. కారణం—త్రివిక్రమ్ ప్రిపరేషన్. ఇది రెగ్యులర్ కమర్షియల్ సినిమా కాదని, మైథలాజికల్ టచ్‌తో భారీ విజువల్ ఎఫెక్ట్స్ మూవీగా రూపొందనుందన్న సమాచారం బయటకొచ్చింది. అందుకే బన్నీ ఈ సినిమాను పర్ఫెక్ట్‌గా ప్లాన్ చేయాలని డిసైడ్ అయ్యాడు.
తాజాగా బన్నీ, త్రివిక్రమ్ ప్రత్యేకంగా భేటీ అయ్యి స్క్రిప్ట్‌పై చర్చించుకున్నట్లు సమాచారం. సాధారణంగా త్రివిక్రమ్ సినిమాలు డైలాగ్ బేస్డ్ ఎంటర్టైనర్స్‌గా ఉంటాయి. కానీ ఈసారి ప్రేక్షకులు ఊహించని రేంజ్‌లో గ్రాండియర్ వెర్షన్‌ను చూడబోతున్నారని టాక్. అల్లు అర్జున్ కూడా ఈ కాన్సెప్ట్‌ను నమ్మి మరింత ప్రిపరేషన్ కోసం టైమ్ ఇవ్వాలని డిసైడ్ అయ్యాడు. అందుకే, ముందుగా మరో ప్రాజెక్ట్‌ను పూర్తి చేసి, ఆ తర్వాత త్రివిక్రమ్ సినిమాను సెట్స్‌పైకి తీసుకురావాలని ప్లాన్ చేస్తున్నట్లు తెలుస్తోంది.
ఈ ఆలస్యం వెనుక వ్యూహం మాత్రం క్లియర్‌గా ఉంది. పుష్ప 2 తర్వాత బన్నీ చేస్తున్న ప్రాజెక్ట్‌పై పాన్ ఇండియా ప్రేక్షకుల్లో భారీ అంచనాలున్నాయి. ఒకవేళ త్రివిక్రమ్ సినిమా రష్‌గా చేయడం వల్ల క్వాలిటీ ప్రభావితమైతే, అది హిట్ కొట్టినా హై స్టాండర్డ్‌కు తగ్గట్టుగా ఉండకపోవచ్చు. అందుకే, త్రివిక్రమ్ స్క్రిప్ట్‌ను మరింత మేజర్ లెవెల్‌కు తీసుకెళ్లాలని, ప్రత్యేకంగా విజువల్ ఎఫెక్ట్స్ టీమ్‌తో కలిసి ప్రీ-ప్రొడక్షన్ పనులు ముందుగా కంప్లీట్ చేయాలని నిర్ణయించుకున్నారు.
ఈ ఆలస్యం వల్ల లాభమే కానీ నష్టం ఏమీ ఉండదని సినీ వర్గాలు చెబుతున్నాయి. 2026 టైమ్‌లైన్‌ను దృష్టిలో పెట్టుకుని త్రివిక్రమ్ మరింత డీటైల్‌గా కథను ఫైనల్ చేస్తున్నాడు. మరోవైపు, అల్లు అర్జున్ పాన్ ఇండియా లెవెల్‌లో తన క్రేజ్‌ను కంటిన్యూ చేయడానికి మరో కమర్షియల్ ప్రాజెక్ట్ చేసేందుకు సిద్ధమవుతున్నాడు. రెండు సినిమాలు వేర్వేరు జానర్లలో ఉండబోతుండటంతో, బన్నీ కెరీర్‌కు ఇది స్ట్రాటజిక్‌గా ఓ కొత్త రికార్డ్అవుతుందని అంచనా వేస్తున్నారు.
