ప్రముఖ నిర్మాత దిల్ రాజు శ్రీ వెంకటేశ్వర క్రియోషన్స్ బ్యానర్ పై నిర్మిస్తున్న పవర్ స్టార్ పవన్ కళ్యాణ్ రీ ఎంట్రీ సినిమా వకీల్ సాబ్. శ్రీరామ్ వేణు దర్శకత్వంలో తెరకెక్కుతున్న సినిమా బాలీవుడ్ సూపర్ హిట్ పింక్ కు రీమేక్ గా తయారవుతోంది. నివేదా థామస్, అంజలి, అనన్య నాగళ్ళ, సీనియర్ నరేష్, ప్రకాశ్ రాజ్ కీలక పాత్రల్లో నటిస్తున్నారు. శృతి హాసన్ గెస్ట్ రోల్ లో కనిపించబోతుంది.
వాస్తవంగా ఈ సినిమాని లాక్ డౌన్ గనక లేకపోయి ఉంటే గత మే 15 నే రిలీజ్ చేసి ఉండేవారు. కాని 7 నెలలకి పైగానే పోస్ట్ పోన్ అయి 2021 సంక్రాంతికి రిలీజ్ చేసేలా సన్నాహాలు చేస్తున్నాడు నిర్మాత దిల్ రాజు. ఇక ఇప్పటికే 80 శాతానికి పైగానే షూటింగ్ పూర్తి కావచ్చింది. ఈ క్రమంలో వకీల్ సాబ్ టీజర్ ని రిలీజ్ చేయాలని మేకర్స్ ప్లాన్ చేసినట్టు సోషల్ మీడియాలో మెగా అభిమానులు జోరుగా ప్రచారం చేశారు.
అయితే తాజా సమాచారం ప్రకారం దసరా పండుగ సందర్భంగా వస్తుందనుకున్న వకీల్ సాబ్ టీజర్ పోస్ట్ పోన్ అయి దీపావళి పండుగ సందర్భంగా రిలీజ్ చేయాలని మేకర్స్ ప్లాన్ మార్చినట్టు తెలుస్తుంది. వాస్తవంగా అయితే దసరా పండుగకే టీజర్ రిలీజ్ చేయాలని సిద్దం చేసినట్టు చెప్పుకుంటున్నారు.
ఇప్పటికే వకీల్ సాబ్ టీజర్ ని హిందీ, తమిళం కంటే అద్భుతంగా కట్ చేసినట్టు…ఈ టీజర్ కి థమన్ మైండ్ బ్లోయింగ్ బ్యాక్గ్రౌండ్ స్కోర్ ఇచ్చినట్టు సమాచారం అందుతోంది. మరి ఏ కారణాల వల్ల దసరా పండుగకి వస్తుందని ఆశగా ఎదురు చూసిన మెగా అభిమానులకి, ప్రేక్షకులకి దీపావళి కి అని షాకిచ్చారో అర్థం కావడం లేదంటున్నారు. మేకర్స్ వకీల్ సాబ్ విషయంలో ఇంకా స్ట్రాంగ్ గా ఏమైనా ప్లాన్ చేస్తున్నారా చూడాలి.