పవన్ కళ్యాణ్ ఎన్నో సినిమాలు చేసి మరెన్నో సూపర్ హిట్ లు అందుకున్న సంగతి అందరికీ తెలిసిందే అయితే ఆయన మిస్ చేసుకున్న కొన్ని సినిమాలు సూపర్ డూపర్ హిట్ అయిన సంగతి కూడా తెలిసిందే. ఆ సినిమాలు కూడా పవన్ కళ్యాణ్ చేసి ఉంటే మరింత బాగుండేది అంటూ ఫీల్ అవుతూ ఉంటారు పీకే ఫ్యాన్స్. అక్కడ అమ్మాయి ఇక్కడ అబ్బాయి సినిమాతో సినీ ఎంట్రీ ఇచ్చిన పవన్ కళ్యాణ్ ఇప్పటివరకు 28 సినిమాలు చేశారు. ప్రస్తుతం మూడు సినిమాలు చేస్తున్నారు.మరికొన్ని సినిమాలు చేస్తూ మధ్యలోనే ఆగిపోయాయి.
అయితే పవన్ కళ్యాణ్ వదులుకున్న ఒక సినిమాతో టాలీవుడ్ ఎంట్రీ ఇచ్చి చాక్లెట్ బాయ్ ఇమేజ్ తో స్టార్ హీరోగా ఎదిగాడు ఒక కుర్ర హీరో. ఆ హీరో ఎవరు? ఆ కదేమిటో చూద్దాం. దర్శకుడు ఏ ఎం రత్నం పవన్ కళ్యాణ్ హీరోగా అమీషా పటేల్ హీరోయిన్ గా చెప్పాలని ఉంది అనే సినిమాని ప్రారంభించారు కానీ ఆ సినిమా ఎందుకో మధ్యలోనే ఆగిపోయింది.అదే కధ మరో హీరోతో మరో టైటిల్ తో తెరమీదకు వచ్చి సూపర్ హిట్ అందుకుంది ఆ సినిమా యే నువ్వే కావాలి.
అప్పటివరకు చైల్డ్ ఆర్టిస్ట్ గా మంచి పేరు సంపాదించిన తరుణ్ మొదటిసారి హీరోగా పరిచయమైంది ఈ సినిమాతోనే. ఈ సినిమాలో రిచా హీరోయిన్గా, ప్రముఖ గాయకుడు రామకృష్ణ కుమారుడు సాయికిరణ్ మరో హీరోగా నటించిన ఈ సినిమాని దర్శకుడు కె విజయభాస్కర్ రూపొందించారు. ఆ రోజుల్లో ఈ సినిమా అఖండ విజయాన్ని సాధించింది. తరుణ్ ఓవర్ నైట్ స్టార్ అయిపోయాడు.
అంతేకాదు అతనికి అమాంతం లవర్ బాయ్ ఇమేజ్ వచ్చి పడింది. అయితే ఈ సినిమా పవన్ కళ్యాణ్ చేసి ఉంటే మరింత బాగుండేది అంటూ ఇప్పటికీ ఫీల్ అవుతారు పవన్ కళ్యాణ్ ఫ్యాన్స్. ప్రస్తుతం పవన్ కళ్యాణ్ చేయవలసిన సినిమాలు మూడు నాలుగు ఉన్నాయి. డిప్యూటీ సీఎం గా బిజీగా ఉండటం వలన అవి డిలే అవుతూ వచ్చాయి అయితే ఆ సినిమాలు కూడా త్వరలోనే రిలీజ్ అవుతాయి అంటున్నారు సినీ వర్గాల వారు.