పవర్ గ్రిడ్ కార్పొరేషన్ ఆఫ్ ఇండియా లిమిటెడ్ నిరుద్యోగులకు తీపికబురు అందించింది. 425 ఉద్యోగ ఖాళీల భర్తీ కోసం ఈ సంస్థ నుంచి జాబ్ నోటిఫికేషన్ విడుదలైంది. ఈ జాబ్ నోటిఫికేషన్ ద్వారా డిప్లొమా ట్రైనీ ఉద్యోగ ఖాళీలను భర్తీ చేయనున్నారు. ఆన్ లైన్ ద్వారా ఈ ఉద్యోగ ఖాళీల కొరకు దరఖాస్తు చేసుకునే ఛాన్స్ అయితే ఉంటుంది. 2023 సంవత్సరం సెప్టెంబర్ 23వ తేదీ ఈ ఉద్యోగాలకు దరఖాస్తు చేయడానికి చివరి తేదీగా ఉంది.
మొత్తం ఉద్యోగాలలో డిప్లొమా ట్రైనీ (ఎలక్ట్రికల్) ఉద్యోగ ఖాళీలు 344 ఉండగా డిప్లొమా ట్రైనీ (సివిల్) ఉద్యోగ ఖాళీలు 68, డిప్లొమా ట్రైనీ (ఎలక్ట్రానిక్స్) ఉద్యోగ ఖాళీలు 13 ఉన్నాయి. గుర్తింపు పొందిన యూనివర్సిటీ, బోర్డ్ నుంచి డిప్లొమా పూర్తి చేసిన వాళ్లు ఈ ఉద్యోగ ఖాళీలకు దరఖాస్తు చేసుకోవడానికి అర్హత కలిగి ఉంటారని సమాచారం అందుతోంది. ఈ ఉద్యోగ ఖాళీలకు ఎంపికైన వాళ్లు దేశంలో ఎక్కడైనా పని చేయాల్సి ఉంటుంది.
ఎలాంటి దరఖాస్తు రుసుము లేకుండా ఈ ఉద్యోగ ఖాళీలకు దరఖాస్తు చేసే అవకాశం ఉండటంతో అర్హత ఉన్నవాళ్లు వెంటనే ఈ ఉద్యోగ ఖాళీల కోసం దరఖాస్తు చేసుకుంటే మంచిదని చెప్పవచ్చు. రాతపరీక్ష, ఇంటర్వ్యూ ద్వారా ఈ ఉద్యోగ ఖాళీలకు ఎంపిక ప్రక్రియ జరగనుంది. వరుస జాబ్ నోటిఫికేషన్ల ద్వారా నిరుద్యోగులకు మేలు జరుగుతోంది.
పవర్ గ్రిడ్ కార్పొరేషన్ ఆఫ్ ఇండియా లిమిటెడ్ లో ఉద్యోగం చేయాలని భావించే వాళ్లకు ఈ జాబ్ నోటిఫికేషన్ బెస్ట్ ఆప్షన్ అవుతుంది. నోటిఫికేషన్ ద్వారా ఈ ఉద్యోగ ఖాళీలకు సంబంధించిన సందేహాలను నివృత్తి చేసుకోవచ్చు. పవర్ గ్రిడ్ కార్పొరేషన్ ఆఫ్ ఇండియా ఎక్కువ సంఖ్యలో ఉద్యోగ ఖాళీలను భర్తీ చేస్తూ నిరుద్యోగులకు మేలు చేస్తోంది.