విజయవాడలోని డాక్టర్‌ వైఎస్‌ఆర్‌ యూనివర్సిటీ ఆఫ్‌ హెల్త్‌ సైన్సెస్ నిరుద్యోగులకు తీపికబురు అందించింది. డైరెక్ట్‌ రిక్రూట్‌మెంట్‌ ప్రాతిపదికన ఉద్యోగ ఖాళీల భర్తీకి సిద్ధమైంది. మొత్తం 20 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు. ఏదైనా బ్యాచిలర్స్ డిగ్రీ ఉత్తీర్ణులైన వాళ్లు ఈ ఉద్యోగ ఖాళీల కోసం దరఖాస్తు చేసుకోవడానికి అర్హత కలిగి ఉంటారని తెలుస్తోంది.
42 సంవత్సరాల లోపు వయస్సు ఉన్నవాళ్లు ఈ ఉద్యోగాలకు అర్హత కలిగి ఉండగా దివ్యాంగులకు పది సంవత్సరాల వయో సడలింపు ఉంటుంది. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు మాత్రం ఐదు సంవత్సరాల సడలింపులు ఉండనున్నాయి. ఈ ఉద్యోగ ఖాళీలకు ఎంపికైన వాళ్లకు రూ.80,910 వరకు వేతనం లభించనుందని సమాచారం అందుతోంది. వేర్వేరు పరీక్షలను నిర్వహించి ఈ ఉద్యోగ ఖాళీలకు అభ్యర్థులను ఎంపిక చేయడం జరుగుతుంది.
ఎస్సీ, ఎస్టీ, మాజీ సైనికులు, దివ్యాంగులకు దరఖాస్తు ఫీజు 750 రూపాయలుగా ఉండగా ఇతరులకు 1500 రూపాయలు దరఖాస్తు ఫీజుగా ఉండనుంది. 2024 సంవత్సరం జనవరి 31వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. అర్హత ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకుంటే మంచిది. ఈ ఉద్యోగాలకు పోటీ ఎక్కువగానే ఉండనుందని తెలుస్తోంది.
అర్హత, ఆసక్తి ఉన్నవాళ్లకు ఈ జాబ్ నోటిఫికేషన్ ద్వారా ఎంతో బెనిఫిట్ కలుగుతుందని చెపవచ్చు. ఈ ఉద్యోగాలకు ఎంపికైన వాళ్లకు 80 వేల రూపాయల కంటే ఎక్కువ వేతనం లభిస్తుండటంతో ఈ ఉద్యోగాలకు పోటీ ఎక్కువగా ఉండే ఛాన్స్ అయితే ఉంటుందని చెప్పవచ్చు.