‘ఉప్పెన’… విజయ్ సేతుపతికు బాగా ముట్టచెప్పారు
మెగా యంగ్ హీరో సాయిధరమ్‌ తేజ్ సోదరుడు వైష్ణవ్ తేజ్ ‘ఉప్పెన’ చిత్రంతో వెండితెరకు పరిచయం కాబోతున్న సంగతి తెలిసిందే. ప్రముఖ దర్శకుడు సుకుమార్ అసిస్టెంట్‌ బుచ్చి బాబు సాసా ఈ సినిమాకు దర్శకత్వం వహిస్తున్నారు. వైష్ణవ్ తేజ్ సరసన క్రితి శెట్టి హీరోయిన్‌గా నటిస్తోంది. ఈ సినిమా షూటింగ్‌లో గత కొద్ది రోజులుగా తమిళ స్టార్ యాక్టర్ విజయ్ సేతుపతి పాల్గొంటున్నారు. అయితే ఆయన తన తమిళ సినిమాలు ప్రక్కన పెట్టి తెలుగులో చేయటానికి బాగానే ఛార్జ్ చేసినట్లు సమాచారం.
ఫిల్మ్ సర్కిల్స్ నుంచి వినపడుతున్న దాని ప్రకారం ఈ సినిమా కోసం విజయ్ సేతుపతి 5 కోట్లు దాకా ఛార్జ్ చేసారట. మొదట ఎక్కువ అనిపించి వేరే నటుడుని తీసుకుందామనుకున్నా…దర్శకుడు ఆయనే కావాలని పట్టుబట్టడంతో ఆ మొత్తాన్ని ఇచ్చి ఒప్పించినట్లు చెప్తున్నారు. మైత్రీ మూవీ మేకర్స్ వారు విజయ్ సేతుపతిని తీసుకోవటం ద్వారా తమిళంలోనూ ఈ సినిమాను భారిగా రిలీజ్ చేయవచ్చని భావిస్తున్నారు.
విజయ్ సేతుపతి ‘ఉప్పెన’లో హీరోయిన్ తండ్రిగా నెగిటివ్‌ రోల్‌ కనిపిస్తారని చిత్ర వర్గాల సమాచారం. ఈ షెడ్యూల్‌లో విజయ్‌పై ఎక్కువ సన్నివేశాలు షూట్‌ చేస్తున్నట్లు టాలీవుడ్‌ టాక్‌. ఇందుకోసం ఓ ప్రముఖ స్టూడియోలో ప్రత్యేకమైన సెట్‌ వేశారట. ‘సైరా’లో చిరంజీవితో కలిసి నటించిన విజయ్ చిరు మేనల్లుడు సినిమాలోనూ కనిపిస్తుండటం విశేషం గా చెప్పుకుంటున్నారు.
రాక్ స్టార్ దేవిశ్రీ ప్రసాద్ సంగీతం అందిస్తోన్న ఈ చిత్రానికి శాందత్ సైనుద్దీన్ సినిమాటోగ్రఫీ అందిస్తున్నారు. సుకుమార్ రైటింగ్స్, మైత్రీ మూవీ మేకర్స్, పతాకాలపై ఈ సినిమా నిర్మితమవుతోంది.