ఐప్యాడ్ అంటే అన్నింటికీ అతీత అనుకుంటున్నారేమో…అలా అనుకోవడం మీ భ్రమే సుమీ! ఎందుకంటే ఐప్యాడ్స్ కూడా పేలుతున్నాయి. ఆంస్టర్ డ్యామ్ లీడ్ సెప్లెయిన్ స్క్వేర్ లోని ఆపిల్ స్టోర్ లో ఈ ఘటన చోటు చేసుకుంది. ఆదివారం స్టోర్ లో ఐప్యాడ్ పేలడంతో స్టోర్ అంతా ఖాళీ చేశారు.
ఈ సంఘటన ధృవీకరించిన పట్టణ అగ్నిమాపక సిబ్బంది ఆ ప్రమాదం వలన ముగ్గురు వ్యక్తులకు శ్వాససంబంధిత సమస్యలు వచ్చినట్టు పేర్కొంటూ ఒక ట్వీట్ పెట్టింది. ఈ ప్రమాదానికి కారణం బ్యాటరీ ప్యాక్ లీకేజ్ అయుండొచ్చు అని వారు భావిస్తున్నారు.
2013 లో కూడా ఒకసారి ఆస్ట్రేలియా, క్యాన్బెర్రా లోని వోడాఫోన్ స్టోర్ లో ఐప్యాడ్ పేలింది. దానినుండి వెలువడే పొగ ఎంతో హానికరికం కాబట్టి ఆ స్టోర్ కూడా ఖాళీ చేయించారు. ఇలాంటివి అక్కడక్కడా జరుగుతూనే ఉన్నాయి. సో, ఐప్యాడ్ వాడేవారు తస్మాత్ జాగ్రత్త.