మన శరీరంలో జీవక్రియలు సరైన క్రమంలో జరగాలి అంటే నీరు ఎంతో కీలకమైనది. ఇలా మన శరీరంలోని జీవక్రియలు అన్నింటిని సరైన క్రమంలో నడిపించడానికి నీరు కీలక పాత్ర పోషిస్తాయి. అదేవిధంగా శరీర రోగనిరోధక శక్తిని బలపరుస్తుంది. శరీరంలోని మలినాలను బయటికి పంపించేస్తుంది. సాధారణంగా ప్రజలు ఉదయాన్నే లేవగానే వేడి నీరు తాగడం మనం చూస్తూనే ఉంటాం. ఇలా చేయడం ఆరోగ్యానికి చాలా మంచిది. అయితే రాత్రిపూట కూడా వేడి నీరు తాగడం వల్ల అనేక ఆరోగ్య ప్రయోజనాలు కలుగుతాయి. మరి ఆ ఆరోగ్య ప్రయోజనాలు ఏంటో ఇక్కడ తెలుసుకుందాం…
వేడి నీళ్లు తాగడం వల్ల జీవక్రియను వేగవంతం అవుతాయి. బరువు తగ్గించడంలో కూడా సహాయపడుతుంది. సాధారణంగా వేడి నీళ్లు తాగడం వల్ల శరీరంలోని కొవ్వు అణువులు విచ్ఛిన్నమై బరువు తగ్గడానికి ఉపయోగపడతాయి. రాత్రిపూట అన్నం తిన్న తర్వాత ఒక గ్లాసు వేడినీరు తాగితే మంచి శరీర బరువు తగ్గడానికి ఆస్కారం ఉంటుంది. అంతేకాకుండా మానసిక స్థితి సరిగా ఉంటుంది. శరీరంలో నీటి శాతం తక్కువ అయితే మానసిక స్థితిపై ప్రభావం చూపిస్తుంది. సాధారణంగా ఎక్కువ నీరు తాగే వారి మానసిక స్థితి బాగుంటుంది.
భోజనం చేసిన తర్వాత వేడి నీళ్లు తాగడం వల్ల జీవక్రియ మెరుగవుతుంది. రక్తప్రవాహాన్ని పెంచడంతోపాటు కండరాల కదలికలకు శరీరంలోని టాక్సిన్స్ బయటకు పోవడానికి మంచిగా ఉపయోగపడుతుంది.అదేవిధంగా రాత్రి పూట వేడి నీళ్లు తాగితే అసిడిటీ కూడా తగ్గుతుందని కొన్ని అధ్యయనాల్లో తేలింది. నిద్రలేమితో బాధపడుతున్న వారు రాత్రిపూట పడుకునే ముందు ఓ గ్లాసు వేడి నీళ్లు తాగితే సమస్య దూరమవుతుంది వేడి నీళ్లు తాగడం వల్ల డిప్రెషన్ స్ట్రెస్ దూరంగా ఉంచుకోవచ్చు. ప్రస్తుత కాలంలో చాలామంది ఫాస్ట్ ఫుడ్ తినడానికి ఇష్టపడుతున్నారు దీని ద్వారా అధికంగా శరీర బరువు పెరుగుతున్నారు. దీని తగ్గించుకోవాలంటే ప్రతిరోజు రాత్రి పడుకునే ముందు వేడి నీటిని తీసుకుంటే మంచిదని నిపుణులు చెబుతున్నారు.