క్రేజీ కాంబినేషన్ లేకపోతే జనం థియోటర్స్ దాకా రావటం లేదు. దాంతో దర్శక,నిర్మాతలు ఏదో ఒక వింతని తమ సినిమా ద్వారా ప్రమోట్ చేసి జనాల్లోకి సినిమా తీసుకెళ్లే ప్రయత్నం చేస్తున్నారు. అందుకోసం వెరైటీ కాంబినేషన్స్ కు తెర తీస్తున్నారు. ఇలాంటి అలాంటి కాంబోనే త్వరలో తెలుగు తెరపై కనిపించి అలరించబోతోందని సినీ వర్గాల సమాచారం.
సన్నిలియోన్ కు కొద్దో గొప్పో మార్కెట్ తెలుగులో ఉంది. హిందీలోనూ ఆమెకంటూ ఆడియన్స్ ఉన్నారు. ఇక సునీల్ కు ఎన్ని సినిమాలు ఫెయిలైనా అతను కామెడీ చేస్తూంటే చూడటానికి ఇంట్రస్ట్ చూపెడతారు. దాంతో వీళ్లిద్దరినీ కలిపి ఓ సినిమా చేస్తే ఎలా ఉంటుందనే ఆలోచన ఓ దర్శకుడు కు వచ్చింది. వెంటనే సునీల్ ని, సన్నిలియోన్ ని ఒప్పించినట్లు సమాచారం. అలా సన్నీ ప్రధాన పాత్రలో తెరకెక్కబోయే ఒక సినిమాలో నటించడానికి సిద్ధం అవుతున్నాడట కమెడియన్ సునీల్ .
ఇక ఈ చిత్రాన్ని తాతినేని ప్రసాద్ అనే దర్శకుడు హర్రర్ కామెడి జానర్ లో తీయడానికి సన్నాహాలు చేస్తున్నాడు . కాగా అందులో సునీల్ తో పాటు బ్రహ్మానందం కూడా నటించనున్నట్లు తెలుస్తోంది . హర్రర్ కామెడీ చిత్రాలకు మినిమమ్ గ్యారెంటీ ఉండటం,సన్నిలయోన్ కు ఉన్న మార్కెట్ ఇవన్నీ దృష్టిలో పెట్టుకునే ఈ సినిమా ప్లాన్ చేస్తున్నారు . ఇప్పటికే ఈ మూవీకి సన్నీ లియోన్, సునీల్, బ్రహ్మనందంలు అగ్రిమెంట్ కూడా చేశారట . త్వరలోనే ఈ సినిమా సెట్స్ మీదకు వెళ్లడం ఖాయం అని తెలుస్తోంది. ఈ సినిమా హిందీతో పాటు తెలుగులో బైలింగ్వల్ మూవీగా రూపొందుతుండటం విశేషం.