ఈ ఏడాది మాత్రం మెగా ఫాన్స్ కి గాని మెగాస్టార్ చిరంజీవికి గాని ఒక నైట్ మెర్ అని చెప్పాలి ఎన్నో అంచనాలు పెట్టుకొని వచ్చిన “ఆచార్య” బిగ్గెస్ట్ డిజాస్టర్ కావడం అందరికీ షాకిచ్చింది. అయితే ఈ చిత్రం రిలీజ్ అయ్యి దారుణ పరాజయం పాలయ్యాక మిగతా సినిమాల కోసం మెగా ఫ్యాన్స్ ఆసక్తిగా చూసారు.
అయితే ఈ సినిమాల లిస్ట్ లో ఆల్రెడీ మూడు సినిమాలు సెట్స్ పై ఉన్నాయి. అయితే ఇపుడు వీటిలో ఆల్రెడీ సగానికి దగ్గర షూటింగ్ జరుపుకున్న ఓ సినిమా ఆగిపోయినట్టుగా పలు గాసిప్స్ కొన్ని రోజులు నుంచి వినిపిస్తున్నాయి. ఆ సినిమా దర్శకుడు మెహర్ రమేష్ తో ప్లాన్ చేసిన ఏక్షన్ ఎంటర్టైనర్ “భోళా శంకర్”.
తమిళ హిట్ సినిమా వేదాళం కి రీమేక్ గా చేస్తున్న ఈ సినిమా దాదాపు ఆల్రెడీ 50 శాతం కంప్లీట్ అయ్యింది. అయినా కూడా ఈ చిత్రం ఇప్పుడు ఆగిపోయినట్టుగా ఊహాగానాలు మొదలయ్యాయి. అయితే ఇవి ప్రస్తుతం అసలు బేస్ లెస్ వార్తలే అని తెలుస్తుంది.
ఆల్రెడీ అంత షూటింగ్ అయ్యిన ఈ సినిమా ఎలా ఆగిపోతుంది అనేది ఒక పాయింట్ కాగా దీనిపై మేకర్స్ కూడా ఎలాంటి స్పందన అందించలేదు. కాకపోతే కొంచెం గ్యాప్ ఎక్కువ రావడ వల్ల ఇలాంటి వార్తలు స్ప్రెడ్ అవుతున్నట్టు తెలుస్తుంది. ఇంకా ఈ సినిమాలో స్టార్ హీరోయిన్ కీర్తి సురేష్ మెగాస్టార్ కి చెల్లెలి పాత్రలో నటిస్తుండగా మిల్కి బ్యూటీ తమన్నా హీరోయిన్ గా నటిస్తున్న సంగతి తెలిసిందే.