ఒకప్పుడు తెలుగులో టాప్ హీరోయిన్ గా వెలిగిన భూమిక పెళ్లి చేసుకుని బై చెప్పేసింది. అయితే ఆ మధ్యన మళ్లీ మూవీల్లో రీ ఎంట్రీ ఇచ్చింది. హిందీ మూవీ ధోనిలో న‌టించిన ఈ సీనియ‌ర్ హీరోయిన్ ఇప్పుడు తెలుగులో నాని చిత్రం ఎమ్ సి ఎ లో హీరోకు వదినగా నటించింది. కెరీర్ పీక్ స్టేజ్ లో ఉండగా యోగా టీచర్ ను ప్రేమించి పెళ్లాడిన భూమిక.. తర్వాతి కాలంలో సినిమాలకు దూరమైంది. అదే సమయంలో నిర్మాణ సంస్థను ఏర్పాటు చేసి.. సినిమాలు తీసింది.
అయితే.. ఆర్థికంగా నష్టపోవటంతో కొంతకాలం సినిమాలకు దూరంగా ఉండిపోయింది. ఆర్దిక స‌మ‌స్య‌ల నుంచి గ‌ట్టెక్కేందుకు తిరిగి మూవీల్లో న‌టించాల‌ని నిర్ణ‌యించుకుంది. కొత్త ఆఫర్స్ దక్కించుకునేందుకు తెలుగు, తమిళ భాషల్లో తీవ్ర ప్రయత్నాలు చేస్తోంది. అంతేకాదు కొత్తగా ఫొటో షూట్ కూడా చేయించుకుంది. దీనికి కారణం తన భర్త చేస్తున్న వ్యాపారాల్లో తీవ్ర నష్టాలు రావడమేనని ప్రచారం జరుగుతోంది.
సినిమాల్లోకి రీఎంట్రీ ఇచ్చిన భూమిక.. ఎంసిఏ, యుటర్న్ సినిమాలు చేసింది. ఈ రెండు సినిమాలు జస్ట్ ఓకే అనిపించుకున్నాయి . కానీ ఆమెకు వరస ఆఫర్స్ తెచ్చిపెట్టలేకపోయాయి. దాంతో ఆమె ఇలా హాట్ ఫొటో షూట్ తో నిర్మాతల దృష్టి తనవైపు తిప్పుకునే ప్రయత్నం చేస్తోందంటున్నారు.
ప్రస్తుతం భూమికకు సంబంధించిన అల్ట్రా మోడ్రన్ ఫోటోలు సోషల్ మీడియాలో హల్చల్ చేస్తున్నాయి. మరి ఈ ఫోటోలను చూసిన తరువాత మన దర్శక నిర్మాతలు అవకాశాలు ఇస్తారేమో చూడాలి.