సెన్సేషనల్ హిట్ కోసం తొలి నుంచి ఎదురుచూస్తున్న అక్కినేని అఖిల్ ఎన్నో జాగ్రత్తలు తీసుకోని చేసిన ‘మిస్టర్ మజ్ను’ కూడా మిశ్రమ ఫలితాన్నే ఇచ్చింది. సినిమా డిజాస్టర్ గా మిగిలిపోయింది. దాంతో అఖిల్ తన తరువాత సినిమా ఏ డైరక్టర్ తో చేయాలి…ఏ బ్యానర్ లో చేయాలనే విషయంలో కన్ఫూజ్ కాకుండా కసరత్తు చేసారు. చివరకు ఓ ప్రాజెక్టుకు గ్రీన్ సిగ్నల్ ఇచ్చినట్లు తెలుస్తోంది.
తాజాగా సినీ వర్గాల సమాచారం ప్రకారం అఖిల్ తన తర్వాత సినిమాని బొమ్మరిల్లు భాస్కర్ తో చేయబోతున్నారు. ఆ మేరకు కథ కూడా ఫైనల్ అయిందట. ఆ సినిమాను మనం ఇంతకు ముందు చెప్పుకున్నటట్లు గీతా ఆర్ట్స్ నే నిర్మించనుంది. ఇక ఈ చిత్రం కథను అల్లు అర్జున్ కోసం తయారైంది. అయితే అల్లు అర్జున్ కు ఇమేజ్ మారిన నేపధ్యంలో అలాంటి కథ వర్కవుట్ కాదని ఆపి, అఖిల్ తో పట్టాలు ఎక్కిస్తున్నారని సమాాచారం.
మొదట అఖిల్ … దర్శకుడు పరశు రామ్ తో సినిమా చేయటానికి మొగ్గు చూపుతాడని వార్తలు వచ్చినా బొమ్మరిల్లు భాస్కర్ కథ నచ్చి ఓకే అన్నారట. నాగార్జున కూడా ఈ ప్రాజెక్టు పై మక్కువ చూపుతున్నారట. ఈ కథ అల్లు అరవింద్ ఆధ్వర్యంలో చాలా కాలం క్రితమే తయారైందిట.
ఫ్యామిలీ ఎంటర్టైనర్ గా ఈ చిత్రం తెరకెక్కనుందిని త్వరలోనే అఫీషియల్ ఎనౌన్సమెంట్ వచ్చే అవకాసం ఉందని తెలుస్తోంది. బొమ్మరిల్లు భాస్కర్ సైతం సరైన హిట్ కోసం ఎదురుచూస్తున్న నేఫధ్యంలో ఖచ్చితంగా తనకు హిట్ ఇస్తాడని అఖిల్ నమ్ముతున్నాడు. ఈ భాస్కర్ తో చెయ్యబోయే సినిమాతోనైనా అఖిల్ ట్రాక్ లో పడి భారీ విజయాన్ని అందుకుంటాడేమో చూడాలి.