కొత్త దర్శకులతో సినిమాలు చేస్తే మెరుగైన ఫలితాలు వుంటాయా.? కొత్త, పాత.. అన్న తేడాలు పెద్దగా వుండవ్‌గానీ.. దర్శకుడికి విజన్ వుంటే.. సినిమా సక్సెస్ అవుతుంది.
అసలు విషయమేంటంటే, మెగాస్టార్ చిరంజీవి దగ్గరకు ఓ కొత్త దర్శకుడి కథ వచ్చిందట. ఆ కథ చిరంజీవికి బాగా నచ్చేసిందట. ఆ కథని ఇంకో దర్శకుడికి ఇస్తే బెటర్.. అని చిరంజీవి తొలుత ఆలోచించినా, ఆ కథకి అతనైతేనే న్యాయం చేయగలడని చిరంజీవి పునరాలోచన చేశారట.
పెద్దగా మార్పులు కూడా ఆ కథకి చేయాల్సిన అవసరం రాలేదని చిరంజీవి భావిస్తున్నారట. అన్నీ అనుకున్నట్టు జరిగితే.. ‘భోళా శంకర్’ తర్వాత చిరంజీవి చేయబోయే సినిమా ఇదే కావొచ్చంటున్నారు.
ఎలాగూ ఇంట్లోనే కొణిదెల ప్రొడక్షన్ బ్యానర్ వుంది గనుక, చిరంజీవికి ఆ సమస్య లేదు. ఏమో, ఏం జరుగుతుందో.. చిరంజీవి గనుక ఈ ప్రాజెక్ట్ ఓకే చేస్తే.. అదో సంచలనమే అవుతుందనడం నిస్సందేహం.