Sanju Samson Century: ఇండియన్ ప్రిమియర్ లీగ్ (IPL) 2026 సీజన్లో సంజూ శాంసన్ ఫామ్ ఆకాశమే హద్దుగా సాగుతోంది. చెన్నై సూపర్ కింగ్స్ (CSK) తరపున ఆడుతున్న శాంసన్, వరుస సెంచరీలతో ప్రత్యర్థి బౌలర్లకు చుక్కలు చూపిస్తున్నాడు. ఢిల్లీ క్యాపిటల్స్పై వీరవిహారం చేసిన ఈ కేరళ బ్యాటర్, తాజాగా వాంఖడే స్టేడియం వేదికగా ముంబై ఇండియన్స్తో జరుగుతున్న మ్యాచ్లోనూ అజేయ శతకంతో చెలరేగాడు.
శాంసన్ విశ్వరూపం: టాస్ గెలిచిన ముంబై కెప్టెన్ హార్దిక్ పాండ్యా ముందుగా బౌలింగ్ ఎంచుకున్నాడు. చెన్నై ఓపెనర్ రుతురాజ్ గైక్వాడ్ (22) మెరుపు ఆరంభాన్ని ఇచ్చినా, త్వరగానే పెవిలియన్ చేరాడు. అనంతరం క్రీజులోకి వచ్చిన సంజూ శాంసన్ మొదటి నుంచే దూకుడుగా ఆడాడు. ఒకవైపు వికెట్లు పడుతున్నా ఏమాత్రం తడబడకుండా ముంబై బౌలర్లపై ఎదురుదాడికి దిగాడు. కేవలం 54 బంతుల్లో 10 ఫోర్లు, 6 సిక్సర్లతో 101 పరుగులు చేసి నాటౌట్గా నిలిచాడు. ఇతనికి డివాల్డ్ బ్రెవిస్ (21), జేమీ ఓవర్టన్ (15) స్వల్ప సహకారం అందించారు.
దీంతో చెన్నై సూపర్ కింగ్స్ నిర్ణీత 20 ఓవర్లలో 6 వికెట్ల నష్టానికి 207 పరుగుల భారీ స్కోరు సాధించింది.
చేతులెత్తేసిన ముంబై బౌలర్లు, ముంబై బౌలర్లలో ఏఎం గజన్ఫర్, అశ్విని కుమార్ చెరో రెండు వికెట్లు తీయగా, స్టార్ పేసర్ జస్ప్రీత్ బుమ్రాకు ఒక వికెట్ దక్కింది. అయితే కెప్టెన్ హార్దిక్ పాండ్యా భారీగా పరుగులు సమర్పించుకున్నాడు. కేవలం రెండు ఓవర్లు వేసిన పాండ్యా, ఏకంగా 38 పరుగులు ఇవ్వడం ముంబైపై ఒత్తిడి పెంచింది.
ముంబై టార్గెట్: 208
ముంబై ఇండియన్స్ ఈ మ్యాచ్లో విజయం సాధించాలంటే 208 పరుగుల భారీ లక్ష్యాన్ని ఛేదించాల్సి ఉంది. సొంత మైదానంలో రోహిత్ శర్మ, హార్దిక్ పాండ్యా వంటి హిట్టర్లు ఏ మేరకు రాణిస్తారో చూడాలి.
