మహిళ స్నానం చేస్తుండగా ఓ బిటెక్ స్టూడెంట్ తన ఫోన్ లో వీడియో తీశాడు. దీనిని గమనించిన మహిళ కేకలు వేయడంతో ఆ యువకుడు పారిపోయేందుకు ప్రయత్నించాడు. దీంతో అప్రమత్తమైన కుటుంబ సభ్యులు అతనిని పట్టుకొని చితకబాదారు. అనంతరం పోలీసులకు అప్పగించారు. ఈ ఘటన హయత్ నగర్ పోలీస్ స్టేషన్ పరిధిలో జరిగింది. దీనికి సంబంధించిన పూర్తి వివరాలిలా ఉన్నాయి.
తుర్కయంజాల్ పరిధిలోని మునగనూరు గ్రామానికి చెందిన మహిళ తన ఇంట్లో స్నానం చేస్తుంది. అదే గ్రామానికి చెందిన గంగపురి వెంకటేష్ తన సెల్ ఫోన్ లో బాత్రూం కిటికి దగ్గర నుంచి వీడియో తీశాడు.
దీనిని గమనించిన మహిళ గట్టిగా అరవగా ఇంట్లో ఉన్నవారు వెంటనే వెంకటేష్ ను పట్టుకున్నారు. అనంతరం అతనిని చితకబాది పోలీసులకు అప్పగించారు. కేసు నమోదు చేసుకున్న పోలీసులు యువకుడిని అరెస్టు చేసి రిమాండ్ కు తరలించారు. వెంకటేష్ ఓ కాలేజిలో బిటెక్ థర్డియర్ చదువుతున్నాడు.