హైదరాబాద్ శివారు రామోజీ ఫిల్మ్ సిటి దగ్గరలోని ఔటర్ రింగ్ రోడ్డు వద్ద రోడ్డు ప్రమాదం జరిగింది. పాల వ్యాన్ ను టవేరా వాహనం ఢీకొనడంతో పాల వ్యాను బోల్తా పడింది. ఈ ప్రమాదంలో పాల వ్యాను డ్రైవర్ కు తీవ్రగాయాలయ్యాయి. అతని పరిస్థితి విషమంగా ఉన్నట్టు తెలుస్తోంది. పాల వ్యాను డబ్బాలన్ని కిండపడడంతో వేల లీటర్ల పాలు రోడ్డు పాలయ్యాయి.
ఔటర్ రింగ్ రోడ్డు వద్ద మూలమలుపు ఉండడంతో దూసుకువచ్చిన టవేరా వాహనం పాల వ్యానును ఢీకొనడంతో ప్రమాదం జరిగినట్టు తెలుస్తోంది. గాయపడ్డ డ్రైవర్ ను అంబులెన్సులో ఆసుపత్రికి తరలించారు. అతడి పరిస్థితి ఆందోళనకరంగా ఉందని తెలుస్తోంది. మరిన్ని వివరాలు తెలియాల్సి ఉంది.
