ఆంధ్రా నిరుద్యోగులకు టిడిపి సర్కారు తీపి కబురు అందించింది.
ఎన్నికలు సమీపిస్తున్నవేళ ఉద్యోగ నోటిఫికేషన్లతో ముందుకొస్తున్నది సర్కారు.
పోలీసు శాఖలో భారీగా ఎస్సైల నియామకాల కోసం నోటిఫికేషన్ వెలువరించింది ఆంధ్రా సర్కారు.
ఎపి పోలీసు శాఖలో 3137 పోస్టుల భర్తీకి నోటిఫికేషన్ జారీ చేసింది ఎపి పోలీసు డిపార్ట్ మెంట్.
ఈ నోటిఫికేషన్ కింద నవంబరు 5 నుంచి అదేనెల 24వ తేదీ వరకు దరఖాస్తులను స్వీకరించనున్నారు.
అప్లికేషన్ ఫీజుగా ఎస్సీ, ఎస్టీ అభ్యర్థులకు 300 రూపాయలు, ఓసి, బిసి అభ్యర్థులకు 600 రూపాయలుగా నిర్ణయించారు.
డిసెంబరు 16వ తేదీన ఎస్సై పోస్టులకు రాత పరీక్ష నిర్వహించనున్నట్లు పోలీసు రిక్రూట్ మెంట్ బోర్డు తెలిపింది.
నోటిఫికేషన్ తో పాటు మరిన్ని వివరాల కోసం వెబ్ సైట్ http://slprb.ap.gov.in/ లో సంప్రదించాలని పోలీసు శాఖ వెల్లడించింది.
పోస్టుల జాబితాలో ఎఆర్ ఎస్సై, సివిల్, ఎపిఎస్పీ బెటాలియన్, డిప్యూటీ జైలర్, ఫైర్ విభాగాల్లో ఉన్న ఖాళీల భర్తీ కోసం ఈ నోటిఫికేషన్ జారీ అయింది.