ఏపీ ఎన్నికల అధికారి ఆర్పీ సిసోడియా బదిలీ అయ్యారు. ఆయన స్థానంలో సీనియ‌ర్ ఐఎఎస్ అధికారి గోపాలకృష్ణ ద్వివేది నియ‌మితుల‌య్యారు. ఈ మేరకు కేంద్ర ఎన్నికల సంఘం గురువారం ఉత్త‌ర్వులు జారీ చేసింది. మ‌రో రెండు నెల‌ల్లో ఎన్నికల నోటిఫికేష‌న్ వెలువ‌డే అవ‌కాశం ఉంది. దీనికి ముందే- కేంద్ర ఎన్నికల సంఘం ఏర్పాట్ల‌ను ఆరంభించింది. సిసోడియాను బదిలీ చేయ‌డానికి గ‌ల కార‌ణం కూడా ఇదే. రాష్ట్ర విభ‌జ‌న చోటు చేసుకున్న వెంట‌నే సిసోడియా ఎన్నికల అధికారిగా నియ‌మితుల‌య్యారు. అప్ప‌టి నుంచీ ఆయన అదే స్థానంలో కొన‌సాగుతున్నారు.
ఏపీ ఎన్నికల ప్ర‌ధాన అధికారి బదిలీ..ఆయన స్థానంలో!
