బర్నింగ్ స్టార్ సంపూర్ణేష్ బాబు కొంచెం గ్యాప్ తర్వాత సంపూ పూర్తి స్థాయి హీరోగా నటించిన చిత్రం కొబ్బరిమట్ట (ది లీవ్స్ ఆఫ్ ఏ ఫ్యామిలీ మెన్). 2015 లో సినిమా పూర్తి చేసుకుని అప్పటి నుంచి రిలీజ్ కాకుండా ఉండిపోయిన ఈ చిత్రం ఎట్టకేలకు రిలీజ్ డేట్ ఫిక్సైంది.
తమ సినిమా రిలీజ్ డేట్‌ని అనౌన్స్ చేస్తూ న్యూ పోస్టర్స్ రిలీజ్ చేసింది కొబ్బరిమట్ట టీమ్. వల్లంశెట్ల కృష్ణ సమర్పణలో, అమృత ప్రొడక్షన్స్ బ్యానర్‌పై హృదయకాలేయం డైరెక్టర్ స్టీఫెన్ శంకర్ నిర్మించగా, రూపక్ రోనాల్డ్‌సన్ డైరెక్ట్ చేసాడు. షకీలా, ఇషికా సింగ్, గాయత్రీ గుప్తా, గీతాంజలి ప్రధానపాత్రలు పోషించగా, పెదరాయుడు, చినరాయుడు, ఆండ్రాయుడుగా మూడు డిఫరెంట్ క్యారెక్టర్స్‌లో సంపూర్ణేష్ బాబు కనిపించనున్నాడు.
కొబ్బరిమట్ట జూలై 19న వరల్డ్‌వైడ్ గ్రాండ్‌గా రిలీజ్ కానుంది. సంపూ త్రీ గెటప్స్‌లో ఉన్న పోస్టర్‌తో పాటు, బాహుబలి పేరడీతో రూపొందించిన మరో పోస్టర్ కూడా రిలీజ్ చేసారు. సంగీతం : కామ్రాన్, కథ, మాటలు, స్క్రీన్‌ప్లే, నిర్మాత : స్టీఫెన్ శంకర్.