నందమూరి కళ్యాణ్ రామ్ హీరోగా క్యాథరిన్ మరియు భీమ్లా నాయక్ ఫేమ్ సంయుక్త మీనన్ లు హీరోయిన్స్ గా నటించిన లేటెస్ట్ భారీ సినిమా “బింబిసార” కోసం అందరికీ తెలిసిందే. టాలీవుడ్ లో కావాల్సిన భారీ హిట్ ని ఈ చిత్రం అందుకొని కొత్త ఊపుని బాక్సాఫీస్ దగ్గర తీసుకొచ్చింది.
ఇక ఈ చిత్రం తెలుగు సహా ఓవర్సీస్ లో కూడా కళ్యాణ్ రామ్ కెరీర్ లోనే ఒక భారీ గ్రాసర్ గా నిలుస్తుండగా ఆల్రెడీ డిస్ట్రిబ్యూటర్స్ కి భారీ లాభాలను ఈ చిత్రం అందిస్తుంది. మరి లేటెస్ట్ గా అయితే ఈ సినిమా నాలుగు రోజుల బాక్సాఫీస్ రిపోర్ట్ తెలుగు రాష్ట్రాలకు సంబంధించి తెలుస్తుంది.
ఈ చిత్రం ఈ నాలగవ రోజు అందులోని వర్కింగ్ డే అయినటువంటి సోమవారం రోజు అదిరే వసూళ్లు నమోదు చేసినట్టుగా ట్రేడ్ వర్గాల వారు తెలియజేస్తున్నారు. మరి వారు చెబుతున్న దాని ప్రకారం అయితే ఈ నాల్గవ రోజు బింబిసార 2.26 కోట్ల షేర్ మార్క్ ని టచ్ చెయ్యగా నాల్గు రోజుల్లో ఈ చిత్రం 18.2 కోట్లకి పైగా షేర్ ని ఈ సినిమా అందుకుంది.
దీనితో ఈ సినిమా లాభాల బాట పట్టింది. ఇంకా ఈ సినిమాకి ఎం ఎం కీరవాణి అద్భుతమైన సంగీతం అందించగా కొత్త దర్శకుడు వశిష్ట దర్శకత్వం వహించాడు. అలాగే ఈ సినిమాకి సీక్వెల్ ని కూడా ప్లాన్ చేస్తున్నారు.