‘వాల్మీకి’ USలో ప్రీమియర్స్ ఎంత కలెక్ట్ చేసింది
మెగా హీరో వరుణ్ తేజ్.. స్టార్ డైరక్టర్ హరీష్ శంకర్ కాంబినేషన్‌లో నిన్న రిలీజైన చిత్రం ‘గద్దలకొండ గణేష్’ (వాల్మీకి) . 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట నిర్మించిన ఈ సినిమాలో…. తమిళ నటుడు అధర్వ మరో కీలక పాత్ర పోషించారు. శ్రీదేవిగా పూజా హెగ్డే ప్రత్యేక పాత్రలో నటించగా..విడుదలైన ఈ చిత్రం డివైడ్ టాక్ తెచ్చుకుంది.
ఈ చిత్రం యుఎస్ ప్రీమియర్స్ కలెక్షన్స్ విషయానికి వస్తే…డీసెంట్ గా ఉన్నాయని చెప్పాలి. అక్కడ ట్రేడ్ రిపోర్ట్ ని బట్టి ఈ చిత్రం $84,872 వసూలు చేసింది. 144 లొకేషన్స్ లో చిత్రం విడుదలైంది. అలాగే ఆంధ్రా, తెలంగాణాలలో కూడా బాగానే కలెక్ట్ చేసింది. సీడెడ్ లో 80 లక్షలు దాకా వసూలు చేసింది. మొత్తం 5 కోట్లు దాకా షేర్ వసూలు చేసింది.
చిత్రం కథ విషయానికి వస్తే..స్ట్రగులింగ్ అసెస్టెంట్ డైరక్టర్ (అధర్వ మురళి) బ్రేక్ కోసం నానా కష్టాలు పడుతూంటాడు. ఈ క్రమంలో అతను ఓ గ్యాంగస్టర్ జీవితంపై సినిమా తియ్యాలని అనుకుంటాడు. అదీ నిజ జీవిత గాధ నుంచి ప్రేరణ పొందాలని గద్దలకొండ గణేష్ (వరుణ్ తేజ) అనే ఓ గ్యాంగస్టర్ జీవితాన్ని దగ్గరగా పరిశీలించాలనుకుంటాడు. అందుకోసం గణేష్ ఉన్న టౌన్ కు వచ్చి అక్కడ గ్యాంగ్ తో కలిసి తిరుగుతూ స్క్రిప్టు రాస్తాడు. అయితే ఈ క్రమంలో గణేష్ కు ఈ విషయం తెలిసిపోతుంది. అక్కడ నుంచి గణేష్ తనపై సినిమా తియ్యటానికి ఒప్పుకుంటాడా…ఏం జరుగుతుంది అనే క్రమంలో కథ జరుగుతుంది.
వరుణ్ తేజ విషయానికి వస్తే గద్దలకొండ గణేష్ గా అదరకొట్టాడు. తమిళ రీమేక్ సినిమా అయినప్పటికీ ఒరిజినల్ కథలో ఉన్న క్యారక్టర్ కంటే విభిన్నంగా వరుణ్ చేసాడు. అలాగే హరీష్ శంకర్, వరుణ్‌ను మాస్ లుక్‌లో సూపర్‌గా చూపించాడని ఫ్యాన్స్ సంబరపడిపోతన్నారు. పూజా హెగ్డే ఉన్నది కొద్ది సేపే అయినా కేక పెట్టించింది, ‘వెల్లువచ్చి గోదారమ్మా’ రీమేక్స్ అందాల ను ఓ రేంజిలో అరబోసింది. మరో ముఖ్య పాత్రలో నటించిన అధర్వ కూడా బాగానే చేశాడు.