YS Jagan: వైయస్ జగన్ మోహన్ రెడ్డి సోదరి వైఎస్ షర్మిల ఇటీవల కాలంలో వైయస్ జగన్ పట్ల తీవ్రస్థాయిలో విమర్శలు కురిపిస్తున్న సంగతి మనకు తెలిసిందే. ముఖ్యంగా ఈమె ఏపీ పీసీసీ అధ్యక్షురాలుగా బాధ్యతలు తీసుకున్న తర్వాత జగన్మోహన్ రెడ్డిని టార్గెట్ చేస్తూ ఆయనపై విమర్శలు వర్షం కురిపిస్తూనే ఉన్నారు.
ఇక వైయస్ జగన్మోహన్ రెడ్డి ఓటమికి షర్మిల కూడా ఒక రకంగా కారణమని చెప్పాలి. ఇక జగన్మోహన్ రెడ్డి 11 సీట్లకు పరిమితం అవుతూ ఈయన ప్రతిపక్ష హోదాన్ని కూడా కోల్పోయి ఘోర పరాజయాన్ని కూడా ఎదుర్కొన్నారు. ఈ క్రమంలోనే అధికార ప్రభుత్వాన్ని ప్రశ్నించకుండా షర్మిల ఇప్పటికి వైయస్ జగన్మోహన్ రెడ్డి తీరుపై విమర్శలు వర్షం కురిపిస్తూ వార్తలో నిలుస్తున్నారు.
ఇకపోతే ఇటీవల సోషల్ మీడియాలో గత ప్రభుత్వ హయాంలో తనపై ఎన్నో అనుచిత వ్యాఖ్యలు చేస్తూ అసభ్యకరమైన పోస్టులు చేశారని వారిపై చర్యలు తీసుకోవాలి అంటూ కూడా ఈమె ప్రస్తుత కూటమి ప్రభుత్వాన్ని డిమాండ్ చేసిన సంగతి తెలిసిందే. ఇలా షర్మిల తరచు తనని టార్గెట్ చేస్తూ ఉండడంతో జగన్ షర్మిలను డైవర్ట్ చేస్తూ ఇటీవల చేసిన కామెంట్స్ సోషల్ మీడియాలో వైరల్ అవుతున్నాయి.
ఇటీవల ప్రెస్ మీట్ నిర్వహించిన జగన్ మోహన్ రెడ్డి కూటమి నేతలను తీవ్రస్థాయిలో విమర్శించడమే కాకుండా గతంలో తన చెల్లి గురించి కూటమినేత సినీనటుడు బాలకృష్ణ చేసినటువంటి వ్యాఖ్యలను ఈయన గుర్తు చేశారు. స్వయంగా బాలకృష్ణ తన ఇంట్లో కూర్చుని తన చెల్లి షర్మిలపై అనుచిత వ్యాఖ్యలు చేశారంటూ తన చెల్లిపై తప్పుడు ప్రచారాలు చేశారని జగన్ ఈ ప్రెస్ మీట్ కార్యక్రమంలో తెలియజేశారు. ఇలా గతంలో బాలకృష్ణ షర్మిలను ఉద్దేశించి చేసిన వ్యాఖ్యలను జగన్ ఈ సందర్భంగా గుర్తు చేస్తూ బాలయ్యను షర్మిల టార్గెట్ చేసే విధంగా మాట్లాడారని, ఈ విషయంలో తన చెల్లిని పరోక్షంగా రెచ్చగొడుతున్నారని తెలుస్తుంది.
