తెలుగుదేశంపార్టీ ఘోర ఓటమి తర్వాత చంద్రబాబునాయుడు రెండు కారణాలతో చాలా బాధపడిపోతున్నారట. చంద్రబాబును అంతగా కలచి వేస్తున్న రెండు కారణాలు ఏమిటి ? ఏమిటంటే మొదటిది టిడిపి ఘోర పరాజయం. ఎదురైన ఓటమి అలాంటిలాంటిది కాదు మరి. టిడిపి చరిత్రలోనే ఇంతటి పరాజయం ఎదురు కాలేదు. తెలుగుదేశంపార్టీ ఒంటరిగా పోటీ చేస్తే ఏమవుతుందో ? చంద్రబాబు కెపాసిటీ ఏమిటో ప్రపంచానికి చాటి చెప్పిన పరాజయం ఇది.
ఇక రెండో అంశం ఏమిటంటే తండ్రి, కొడుకులు ముఖ్యమంత్రులుగా ఉన్నపుడు తానే ప్రతిపక్షనేతగా ఉండాల్సి రావటం. అవును వైఎస్సార్ ముఖ్యమంత్రిగా ఉన్న రెండుసార్లు చంద్రబాబే ప్రతిపక్ష నేత. అంటే రెండోసారి వైఎస్ బాధ్యతలు తీసుకున్న మూడు నెలలకే మరణించారనుకోండి అది వేరే సంగతి.
ఇక ప్రస్తుత విషయానికి వస్తే వైఎస్ జగన్మోహన్ రెడ్డి ముఖ్యమంత్రిగా ఉన్నపుడు కూడా చంద్రబాబే ప్రతిపక్ష నేత. అంటే తండ్రి, కొడుకులు ముఖ్యమంత్రలుగా ఉన్నపుడు ప్రతిపక్ష నేతగా ఉన్న ఏకైక నేత బహుశా దేశచరిత్రలో చంద్రబాబేనేమో.
రెండు అంశాలను కూడా చంద్రబాబు తన జీవితంలో ఎప్పటికీ మరచిపోరు. రెండు ఘటనలు కూడా టిడిపి చరిత్రలో చెరగని ముద్రను వేసేశాయి. దాంతో చంద్రబాబు చాలా అవమానంగా ఫీలవుతున్నారు. ఏం చేస్తాం చంద్రబాబు ఒకటనుకుంటే భగవంతుడు మరొకటి తలిచాడు.