హైదరాబాద్ లో హిజ్రాల ఆగడాలు రోజు రోజుకు పెరుగుతున్నాయి. ఎక్కడ పడితే అక్కడ డబ్బులు అడిగి ఇవ్వకపోతే అసభ్యంగా ప్రవర్తిస్తున్నారు. ట్రాఫిక్ జంక్షన్ల వద్ద, దుకాణాల వద్ద డబ్బు వసూలు చేసుకునే హిజ్రాలు ఇప్పుడు పెద్ద పెద్ద షాపింగ్ మాల్స్ లలో తమ దందాలు సాగిస్తున్నారు. హైదరాబాద్ గండిపేట లోని సన్ సిటి మాల్ వద్దకు వెళ్లిన హిజ్రాలు అక్కడ నీచంగా ప్రవర్తిస్తూ వీరంగం చేశారు.
సన్ సిటి మాల్ కు వచ్చిన హిజ్రాలు యజమానిని 2 వేల రూపాయలు డిమాండ్ చేశారు. ఆయన 1000 రూపాయలు ఇస్తానన్నాడు. అయితే దానిని తీసుకునేందుకు ఒప్పుకోకుండా బట్టలు విప్పుకొని కస్టమర్లతో అసభ్యంగా ప్రవర్తించారు. కస్టమర్లను లోపల ఉంచి మాల్ కు తాళాలు వేసి అక్కడి ఫర్నిచర్ ను ధ్వంసం చేశారు. హిజ్రాల దాడితో కస్టమర్లకు భయభ్రాంతులకు గురయ్యారు. మాల్ యాజమాన్యం పోలీసులకు ఫిర్యాదు చేయడంతో వారు అక్కడకు చేరుకొని హిజ్రాలను అక్కడి నుంచి వెళ్లగొట్టారు.