బీజేపీ రాష్ట్ర నాయకత్వం తనతో కలిసిరానప్పుడు, భారతీయ జనతా పార్టీతో కలిసి నడవాల్సిన అవసరమేంటి.? రాష్ట్రానికి బీజేపీతో ఏం లాభం.? ఈ విషయమై జనసేన అధినేత పవన్ కళ్యాణ్ ఎందుకు ఇంకా ఇంకా ‘తెగేదాకా లాగడం’ అనే పద్ధతిని పాటిస్తున్నట్లు.? 2024 ఎన్నికల్లో తెలుగుదేశం పార్టీతో వెళ్ళాలనే వుంది జనసేన అధినేతకి. టీడీపీ – జనసేన కలిసే కూటమిలోకి బీజేపీ కూడా రావాలన్నది జనసేన అధినేత ఆలోచన. అయితే, బీజేపీ అందుకు ససెమిరా అంటోంది. బీజేపీ ఏపీ నాయకత్వమే ఈ విషయంలో అడ్డుపడుతోంది. బీజేపీ జాతీయ నాయకత్వం అవసరాన్ని బట్టి టీడీపీని కూడా కలుపుకుపోవచ్చు.
అయితే, ఏపీలో బీజేపీకి వైఎస్సార్సీపీ వల్ల వచ్చిన నష్టమేమీ లేదు. పైగా, కేంద్రానికి అవసరమైన ప్రతిసారీ రాష్ట్రం తరఫున వైసీపీ సహాయ సహకారాలు అందిస్తూనే వుంది. దాంతో, వైసీపీని వ్యతిరేకించడానికి బీజేపీ జాతీయ నాయకత్వానికి పెద్దగా కారణాలు కనిపించడంలేదు. ఏదిఏమైనా, ఓ పార్టీ అధినేతకు అన్ని విషయాల మీదా స్పష్టత వుండాలి. జనసేన బలమెంత.? ఇతర పార్టీల బలమెంత.? అన్నదానిపై అవగాహన వుండి తీరాలి. కానీ, ఇవేవీ జనసేనానిలో కనిపించవు. బీజేపీ వల్ల జనసేనకి లాభం లేదు. అయినా, బీజేపీని పట్టుకుని వేలాడుతున్నారాయన. పోనీ, టీడీపీతో అయినా పద్ధతిగా వెళుతున్నారా.? అంటే, అదీ గందరగోళమే.