జనసేన అధినేత పవన్ కళ్యాణ్ వీక్ డేస్ లో సినిమాలతో వీకెండ్ లో రాజకీయాలతో బిజీగా ఉంటున్నారు. అయితే పవన్ కళ్యాణ్ చేసే కామెంట్లు తమను కన్ఫ్యూజ్ చేసేలా ఉన్నాయని చాలామంది అభిప్రాయం వ్యక్తం చేస్తున్నారు. టీడీపీతో జనసేనకు పొత్తు ఉంటుందా లేక బీజేపీతో జనసేనకు పొత్తు కొనసాగుతుందా అనే ప్రశ్నకు పవన్ కళ్యాణ్ దగ్గర సరైన సమాధానం లేదు.
అయితే వైసీపీ వ్యతిరేక ఓటును మాత్రం తాను చీలనివ్వనని పవన్ కళ్యాణ్ చెబుతుండటం గమనార్హం. ఏపీలో కాంగ్రెస్, బీ.ఆర్.ఎస్ పార్టీలు కూడా పోటీ చేయనున్నాయి. వైసీపీ వ్యతిరేక ఓటును చీలనివ్వని పవన్ ఈ పార్టీలతో కూడా పొత్తు పెట్టుకుంటారా? అనే ప్రశ్నలు వినిపిస్తున్నాయి. మరోవైపు టీడీపీ జనసేన కలిసి పోటీ చేసినా ఫలితాల్లో పెద్దగా మార్పు లేకపోతే పవన్ ఏం చేస్తారని మరి కొందరు కామెంట్లు చేస్తున్నారు.
పవన్ కళ్యాణ్ చెబుతున్న లాజిక్ ప్రజలకు అర్థం కావడం లేదు. ఎన్నికల్లో గెలవడమే లక్ష్యంగా నిర్ణయాలు తీసుకుంటున్న పవన్ కళ్యాణ్ గెలుపు కోసం ఏమైనా చేస్తానని పరోక్షంగా సంకేతాలు ఇస్తున్నారు. అయితే టీడీపీ జనసేనలకు అనుకూలంగా ఏపీలో పరిస్థితులు ఉన్నాయా? అనే ప్రశ్నకు కాదనే సమాధానం వినిపిస్తోంది. టీడీపీ జనసేన పొత్తు విషయంలో టీడీపీ నేతల్లోనే భిన్నాభిప్రాయాలున్నాయి.
పవన్ కళ్యాణ్ క్లారిటీ ఇస్తే మాత్రమే ఈ పరిస్థితులు మారే అవకాశాలు అయితే ఉంటాయని మరి కొందరు చెబుతున్నారు. జనసేన పార్టీని నమ్ముకున్న వాళ్లకు పవన్ కళ్యాణ్ ద్రోహం చేస్తున్నారని కొంతమంది నుంచి కామెంట్లు వినిపిస్తుండటం గమనార్హం. స్పష్టత లేకుండా చేసే రాజకీయాల వల జనసేనకు లాభం కంటే నష్టం కలిగే అవకాశాలు ఎక్కువగా ఉంటాయని కామెంట్లు వ్యక్తమవుతున్నాయి.