Nagbabu: పెద్దల సభకు నాగబాబు… పవన్ ఢిల్లీ టూర్ పై క్లారిటీ ఇచ్చిన మెగా బ్రదర్?

Nagbabu: జనసేన అధినేత ఏపీ డిప్యూటీ సీఎం పవన్ కళ్యాణ్ గత మూడు రోజులుగా ఢిల్లీ పర్యటనలో ఉన్న విషయం మనకు తెలిసిందే ఈయన ఢిల్లీ పర్యటనకు వెళ్లగా ఈ పర్యటన గురించి సోషల్ మీడియాలో ఎన్నో రకాల వార్తలు వైరల్ అవుతున్నాయి. కేవలం తన అన్నయ్య నాగబాబు కోసమే పవన్ కళ్యాణ్ ఢిల్లీ వెళ్లారని కేంద్ర పెద్దలతో చర్చలు జరుపుతున్నారు అంటూ కూడా విమర్శలు వస్తున్నాయి.

ఇటీవల రాజ్యసభలో మూడు పదవులు ఖాళీ అయిన విషయం తెలిసిందే. ఈ క్రమంలోనే జనసేన నుంచి తన అన్నయ్య నాగబాబును పెద్దల సభకు పంపించాలని ఆలోచనలో పవన్ కళ్యాణ్ ఉన్నారని అందుకు గానే ఈయన ఢిల్లీ వెళ్లి అక్కడ పెద్దలతో సంప్రదించి నాగబాబును రాజ్యసభకు పంపించాలని ఆలోచనలో ఉన్నారంటూ వార్తలు వస్తున్నాయి. ఈ క్రమంలోనే నాగబాబు ఈ వార్తలపై స్పందించి ట్విట్టర్ వేదికగా చేసిన ట్వీట్ ప్రస్తుతం వైరల్ అవుతుంది.

ఈ సందర్భంగా నాగబాబు ట్విట్టర్ వేదికగా స్పందిస్తూ పవన్ కళ్యాణ్ ఢిల్లీ టూర్ గురించి ఎన్నో రకాల వార్తలు వస్తున్నాయి అయితే ఆయన ఎప్పుడు తన స్వార్ధ రాజకీయాల కోసం ఆలోచించారని ఆయన ఏ చిన్న పని చేసిన అది ప్రజా సేవ కోసమే చేస్తారని అలాగే కష్టపడతారని తెలిపారు. ప్రస్తుతం ఢిల్లీ వెళ్లి వెళ్లినది కూడా ప్రజాసేవకే తప్ప స్వార్థ రాజకీయాల కోసం కాదని తెలిపారు.

వ్యక్తిగత స్వార్థానికి అతనెప్పుడు దూరంగానే వుంటాడని స్పష్టం చేశారు. అలాగే అతను ఎప్పుడు సత్యానికి, ధర్మానికి కట్టుబడి ఉంటాడని, మన రాష్ట్ర బంగారు భవిష్యత్తు కోసం ఎంతవరకైనా వెళ్తాడు.. పోరాడతాడని తెలిపారు. అంతేగాక ఢిల్లీ వెళ్లిన ఉద్దేశం స్వార్థ ప్రయోజనాలకోసం కాదు, మన రాష్ట్ర ప్రయోజనాలకోసమని చెప్పారు.

ఇలాంటి ఒక గొప్ప నాయకుడికి నా జీవితాన్ని ఇవ్వడానికి కూడా నేను సిద్ధమే. అలాంటి నా నాయకుడికి సేవ చేయడం తప్ప నాకు ఏ విధమైనటువంటి రాజకీయ ఆశలు లేవు అంటూ నాగబాబు ఈ సందర్భంగా పవన్ కళ్యాణ్ ఢిల్లీ వెళ్లినది తనకోసం కాదని ప్రజా శ్రేయస్సు కోసమే ఆయన ఢిల్లీ వెళ్లారంటూ చేసిన ఈ ట్వీట్ ప్రస్తుతం సోషల్ మీడియాలో వైరల్ అవుతుంది.