Nagababu: ఏపీ డిప్యూటీ సీఎం పవన్ కళ్యాణ్ పై తన సోదరుడు నాగబాబు ప్రశంసల వర్షం కురిపిస్తూ చేసినటువంటి పోస్ట్ ప్రస్తుతం సోషల్ మీడియాలో వైరల్ అవుతుంది. రాజకీయాలలో ఎంతో మంచి సక్సెస్ అందుకున్న పవన్ కళ్యాణ్ ప్రస్తుతం ఆంధ్రప్రదేశ్ రాష్ట్ర రాజకీయాలలో మాత్రమే కాకుండా దేశ రాజకీయాలలో కూడా సంచలనంగా మారారు. ఎన్డీఏ కూటమిలో సభ్యుడిగా ఉన్నటువంటి పవన్ కళ్యాణ్ ఇటీవల మహారాష్ట్ర ఎన్నికల ప్రచార కార్యక్రమాలలో పాల్గొన్న సంగతి తెలిసిందే.
ఇలా మహారాష్ట్ర ఎన్నికల ప్రచార కార్యక్రమాలలో ఈయన ఎక్కడైతే పాల్గొన్నారో ఆయా ప్రాంతాలలో కూటమి నేతలు గెలవడంతో జాతీయ మీడియా పవన్ కళ్యాణ్ పై ప్రశంసల వర్షం కురిపిస్తుంది. మహారాష్ట్రలో కూటమి అధికారంలోకి రావడానికి పవన్ కూడా కీలక పాత్ర పోషించారని పవన్ పేరు దేశ రాజకీయాలలో మారుమోగుతుంది. ఈ తరుణంలోనే పవన్ కళ్యాణ్ గురించి తన సోదరులు నాగబాబు సోషల్ మీడియా వేదికగా చేసిన పోస్ట్ వైరల్ అవుతుంది.
గెలిచే ప్రతి నాయకుడు హీరోనే కానీ ప్రతి హీరో నాయకుడు కాలేరని నాగబాబు తెలిపారు. నాయకుడంటే గెలిచే వాడే కాదు. నమ్మిన సిద్ధాంతాల కోసం సైధ్దాంతిక విలువల కోసం. అవి నమ్మి నడిచే వ్యక్తుల కోసం. నీడై నిలబడేవాడు. తోడై నడిపించేవాడు. వారి గమ్యంలో గెలుపుని చూసుకునే వాడు. వారి గెలుపులో మరో గమ్యాన్ని వెతుక్కునేవారు.అలాంటి అరుదైన నాయకుడే నా నాయకుడు.
ప్రస్తుతం దేశ రాజకీయాల్లో గేమ్ ఛేంజర్ పవన్ కళ్యాణ్ అంటూ ఈయన తన తమ్ముడిపై ప్రశంసల వర్షం కురిపిస్తూ చేసిన ఈ ట్వీట్ ప్రస్తుతం సంచలనంగా మారింది. ఇక తమ్ముడు విజయాలపై అన్నగా నాగబాబు ఎప్పటికప్పుడు తన సంతోషాన్ని వ్యక్తం చేస్తూనే ఉంటారు. ఇక పవన్ కళ్యాణ్ ఏపీలో భారీ మెజారిటీతో గెలవడానికి నాగబాబు కూడా కీలకపాత్ర పోషించారని చెప్పాలి. ఈయన జనసేన రాష్ట్ర ప్రధాన కార్యదర్శిగా పార్టీ వ్యవహారాలను కూడా చూసుకుంటున్న విషయం మనకు తెలిసిందే.