జనసేన అధినేత పవన్ కళ్యాణ్ కు వింత కష్టం వచ్చింది. బీజేపీకి దూరమైతే కేంద్రంలో ఇబ్బందులు ఎదురవుతాయని టీడీపీకి దూరమైతే రాష్ట్రంలో ఇబ్బందులు ఎదురవుతాయని పవన్ కళ్యాణ్ భావిస్తున్నారు. రెండు పార్టీలను రెండు కళ్లలా భావిస్తున్న పవన్ జనసేన అన్ని నియోజకవర్గాల్లో పోటీ చేస్తుందని చెబుతున్నా ఈ పార్టీలతో పొత్తు లేదని మాత్రం ప్రకటించలేకపోతున్నారనే సంగతి తెలిసిందే.
అయితే ఇదే సమయంలో ఏ పార్టీతో పొత్తు పెట్టుకోవాలో పవన్ కు సైతం స్పష్టత లేదని కామెంట్లు వినిపిస్తున్నాయి. నాదెండ్ల మనోహర్ జనసేన పొత్తులకు సంబంధించి వెల్లడిస్తున్న విషయాలు సైతం హాట్ టపిక్ అవుతున్నాయి. జనసేనకు ఏ పార్టీతో పొత్తు ఉంటుందో రాబోయే రోజుల్లో తేల్చేస్తామని నాదెండ్ల మనోహర్ కామెంట్లు చేస్తున్నారు. పొత్తులపై పవన్ కళ్యాణ్ కు కూడా క్లారిటీ లేదని బీజేపీ నుంచి టీడీపీతో పొత్తు వద్దని సూచనలు అందాయని సమాచారం.
తాను సినిమా యాక్టర్ ను కాకపోయినా జనం నుంచి భారీ స్థాయిలో స్పందన ఉందని బాబు చెప్పడం వెనుక కూడా రీజన్ ఇదేనని బోగట్టా. పవన్ పై పూర్తిస్థాయిలో ఆధారపడితే భారీ షాక్ తప్పదని చంద్రబాబుకు కూడా క్లారిటీ వచ్చేసింది. ఈ రీజన్ వల్లే పవన్ పై పరోక్షంగా చంద్రబాబు నాయుడు విమర్శలు చేస్తున్నారని కామెంట్లు వ్యక్తమవుతున్నాయి. జనసేన నిర్ణయాలు వైసీపీని సైతం టెన్షన్ పెడుతున్నాయి.
2024 ఎన్నికల్లో ఖర్చు విషయంలో ఏ మాత్రం రాజీ పడకూడదని ప్రముఖ రాజకీయ పార్టీలు ఇప్పటికే ఫిక్స్ అయ్యాయని తెలుస్తోంది. 2024 ఎన్నికలు ఖరీదైన ఎన్నికలు కానున్నాయని మరి కొందరు కామెంట్లు చేస్తున్నారు. ఎన్నికలు జరగడానికి చాలా సమయం ఉన్నా రాజకీయ నేతలకు మాత్రం ఇప్పటికే ఎన్నికల ఫీవర్ మొదలైంది.