ABV: ఏపీ మాజీ ముఖ్యమంత్రి వైయస్ జగన్మోహన్ రెడ్డికి రిటైర్డ్ ఐపీఎస్ అధికారి ఏబీ వెంకటేశ్వరరావు సీరియస్ వార్నింగ్ ఇచ్చారు. జగన్ రెడ్డి నోరు అదుపులో పెట్టుకొని మాట్లాడి నీకు నేనేంటో తెలుసు అంటూ ఆయన చేసిన కామెంట్లు సంచలనగా మారాయి. జగన్మోహన్ రెడ్డి బుధవారం ప్రెస్ మీట్ కార్యక్రమాన్ని నిర్వహించిన సంగతి తెలిసిందే. ఈ ప్రెస్ మీట్ కార్యక్రమంలో భాగంగా అధికార ప్రభుత్వంపై ఈయన సంచలన వ్యాఖ్యలు చేశారు.
ఈ క్రమంలోనే ప్రెస్ మీట్ కార్యక్రమంలో వైఎస్ జగన్మోహన్ రెడ్డి మాట్లాడుతూ..ఏబీ వెంకటేశ్వరరావు, ఆర్పీ ఠాకూర్, యోగానంద్‌ లాంటి కొందరు విశ్రాంత ఐపీఎస్ అధికారుల్ని జట్టుగా తయారుచేశారు. వీరంతా జిల్లాల్లో చంద్రబాబు ప్రభుత్వానికి ఎవరు వ్యతిరేకంగా మాట్లాడుతున్నారు వేదికలపై వీరికి వ్యతిరేకంగా మాట్లాడుతున్నారు అనే విషయాలను గమనించి వారి పేర్లను తెదేపా, ఇంటెలిజెన్స్‌ వర్గాల నుంచి సేకరిస్తారనీ జగన్ తెలిపారు.
ఇలా జగన్ చేసిన ఈ వ్యాఖ్యల పై ఏబీవీ స్పందిస్తూ చేసిన కామెంట్స్ సంచలనంగా మారాయి. మిస్టర్ జగన్ రెడ్డి నోరు అదుపులో పెట్టుకో.. నీ మాట.. నీ భాష సరి చేసుకో. ఒకసారి ప్రజల నుంచి విశ్వాసం కోల్పోయిన ఒక్కసారి నోరు జారిన తిరిగి సంపాదించుకోలేవు. నీలా సంస్కారం లేకుండా నేను మాట్లాడలేను.తెర వెనుక బాగోతాలు నడుపను. నేనేంటో.. నా తలవంచని నైజం ఏమిటో గడచిన ఐదు ఏళ్లలో నువ్వే చూశావ్… బి కేర్ ఫుల్.
ఫర్ ది రికార్డ్ అంటూ నిన్న నువ్వు నా గురించి మాట్లాడింది పచ్చి అబద్ధం అంటూ వెంకటేశ్వరరావు వైయస్ జగన్మోహన్ రెడ్డికి తనదైన శైలిలోనే ఎక్స్ వేదికగా వార్నింగ్ ఇచ్చారు. మరి ఈయన చేసిన వ్యాఖ్యలపై జగన్ స్పందన ఏంటి అనేది తెలియాల్సి ఉంది.