బుల్లితెరపై బిగ్ బాస్ సీజన్ 6 కార్యక్రమం ప్రసారం కానున్న నేపథ్యంలో ఈ కార్యక్రమం గురించి రోజుకో వార్త సోషల్ మీడియాలో వైరల్ అవుతుంది. ఈ కార్యక్రమంలో పాల్గొనే కంటెస్టెంట్లు వీళ్లే అంటూ రోజుకు ఒకరి పేరు తెరపైకి వస్తుంది.ఈ క్రమంలోనే ఇప్పటికే కొందరు కంటెస్టెంట్లు ఫైనల్ అయ్యారని వార్తలు సోషల్ మీడియాలో చక్కెరలు కొడుతుండగా తాజాగా ఈ సీజన్లో పాల్గొనబోయే మరొక కంటెస్టెంట్ పేరు ప్రస్తుతం వైరల్ అవుతుంది.బిగ్ బాస్ సీజన్ 6 కార్యక్రమంలోకి ఒకప్పటి సినిమాలలో చైల్డ్ ఆర్టిస్ట్ గా నటించిన ఒక లేడీ చైల్డ్ ఆర్టిస్ట్ ఈ కార్యక్రమంలోకి ఎంట్రీ ఇవ్వబోతున్నట్లు సమాచారం.
ఇంతకీ ఆ చైల్డ్ ఆర్టిస్ట్ ఎవరు ఏంటి అనే విషయానికి వస్తే..వెంకటేష్ ఆర్తి అగర్వాల్ జంటగా నటించిన నువ్వు నాకు నచ్చావ్ సీరియల్ ద్వారా ఎంతో గుర్తింపు సంపాదించుకున్నారు పింకీ. పింకీ అసలు పేరు సుదీప.అయితే ఈమె నువ్వు నాకు నచ్చావ్ సినిమాలో పింకీ పాత్రలో నటించి పింకీగా అందరికీ గుర్తుండిపోయారు. ఈ సినిమాలో తన నటనతో అందరిని సందడి చేసిన సుదీప అనంతరం పలు సినిమాలలో నటించి వెండితెరకు పూర్తిగా దూరమయ్యారు. ఈ క్రమంలోనే ఆమెపై చదువులు కొనసాగించిన అనంతరం పలు బుల్లితెర సీరియల్స్ లో నటించారు.
ఈ విధంగా ప్రస్తుతం ఎలాంటి సినిమాలు సీరియల్స్ లో కూడా నటించకుండా పూర్తిగా ఇండస్ట్రీకి దూరమయ్యారు. అయితే తాజాగా బిగ్ బాస్ సీజన్ 6 కోసం నిర్వాహకులు ఈమెను సంప్రదించినట్లు తెలుస్తోంది. ఈ క్రమంలోనే సీజన్ సిక్స్ కార్యక్రమంలోకి పింకీ గ్రాండ్ ఎంట్రీ ఉండబోతుందనే వార్త ప్రస్తుతం సోషల్ మీడియాలో వైరల్ అవుతుంది.అయితే చాలాకాలం తర్వాత పింకీ బిగ్ బాస్ కార్యక్రమం ద్వారా రీఎంట్రీ ఇవ్వనుందని తెలియడంతో అభిమానులు కూడా సంతోషం వ్యక్తం చేస్తున్నారు. మరి ఈ వార్తలలో ఎంతవరకు నిజం ఉందో తెలియాల్సి ఉంది.