టెలివిజన్లో ప్రసారం అవుతున్న అతిపెద్ద రియాలిటీ షో లలో గుర్తింపు పొందిన వాటిలో బిగ్ బాస్ రియాల్టీ షో ఒకటి. తెలుగు, తమిళ్, హిందీ, కన్నడ వంటి అన్ని భాషలలో ప్రసారం అవుతున్న ఈ రియాలిటీ షో గత కొన్ని సంవత్సరాలుగా తెలుగులో కూడా ప్రసారమవుతు మంచి ప్రేక్షకాదరణ సొంతం చేసుకుని అధిక రేటింగ్స్ తో దూసుకుపోతోంది. ఇప్పటికే 5 సీజన్లను పూర్తి చేసుకున్న ఈ రియాలిటీ షో తొందరలోనే ఆరవ సీజన్ ప్రారంభం కానుంది. ఇప్పటివరకు టెలివిజన్ లో ప్రసారమైన ఐదు సీజన్లతో పాటు ఓటీటీ లో ప్రసారమైన బిగ్ బాస్ నాన్ స్టాప్ సీజన్ కూడా ప్రేక్షకులను బాగా ఆకట్టుకుంది.
ఇక ప్రస్తుతం సీజన్ 6 కోసం ప్రేక్షకులు ఎంతో ఆత్రుతగా ఎదురుచూస్తున్నారు. ఈ సీజన్లో పాల్గొని కంటెస్టెంట్ ల వివరాలు తెలుసుకోవాలని ప్రేక్షకులు ఆసక్తి చూపుతున్నారు. ఇప్పటికే ఈ సీజన్లో పాల్గొనే కొంతమంది కంటెస్టెంట్ల పేర్లు విపిస్తున్నాయి. బిగ్ బాస్ సీజన్ సిక్స్ లో కూడా మునుపటిలాగే యాంకర్లతో పాటు సింగర్లు కూడా సందడి చేయనున్నారు. అంతేకాకుండా మరొక ఇద్దరు యూట్యూబర్స్ కి కూడా ఈ సీజన్లో అవకాశం కల్పించారని తెలుస్తోంది. టిక్ టాక్ వీడియోస్ ద్వారా ఫేమస్ అయిన దీపిక పిల్లి ఇండస్ట్రీలో అవకాశాలు దక్కించుకొని యాంకర్ గా కొనసాగుతోంది. అయితే ఈ అమ్మడికి కూడా బిగ్ బాస్ సీజన్ సిక్స్ లో పాల్గొని అవకాశం దక్కిందని వార్తలు వినిపించాయి.
అయితే చివరి నిమిషాలలో బిగ్ బాస్ నుండి ఈ అమ్మడు తప్పుకోవటంతో ఆమె స్థానంలో మరొక బుల్లితెర యాంకర్ ని బిగ్ బాస్ హౌస్ లోకి తీసుకురానున్నట్లు తెలుస్తోంది . దీపిక పిల్లి స్థానంలో బిగ్ బాస్ హౌస్ లోకి ఎంటర్ కానున్న బుల్లితెర యాంకర్ మరెవరో కాదు వర్షిని. ఎంతో అమాయకంగా కనిపించే వర్షిని బుల్లితెర మీద ప్రసరమైన టీవీ షోలలో సందడి చేయడమే కాకుండా అనేక షోలకు యాంకర్ గా వ్యవహరించింది. ఈ క్రమంలో వర్షిని యాంకర్ గా మంచి గుర్తింపు పొందింది. యాంకర్ గా వర్షిని కి ఉన్న పాపులారిటీ వల్ల తనకి బిగ్ బాస్ సీజన్ 6 లో ఆఫర్ చేసినట్లు సమాచారం.