బిగ్‌బాస్ షో 4 లో అమ్మ రాజశేఖర్ బాగానే సెటిల్ అయ్యాడు. అప్పుడప్పుడు కొన్ని మంచి జోకులు.. చాలా సార్లు కుళ్లు జోకులు వేస్తూ ఏదో రకంగా ఎంటర్టైన్ చేస్తున్నాడు. మధ్య మధ్యలో అరుస్తూ జీవితంలో మాట్లాడను అంటూ శపథాలు చేస్తున్నాడు. కానీ వాటిని మరు క్షణంలో మరిచిపోతాడు. అది వేరే విషయం అనుకోంది. మొత్తానికి సగం తమిళం, సగం తెలుగు మిక్స్ చేసి ఏదోలా కాలం వెల్లదీస్తున్నాడు.
అయితే నిన్నటి బిగ్ బాస్ ఎపిసోడ్‌లోని మస్తీ మార్నింగ్‌లో ఎన్నో విషయాలు బయటపడ్డాయి. లాక్ డౌన్ వల్ల అవినాష్ ఎన్ని కష్టాలు పడ్డాడో, అవి భరించలేక ఆత్మహత్య చేసుకునే వరకు వెళ్లిన సంగతులను వివరించాడు. ఇళ్లు కట్టుకుందామని దాచుకున్న సొమ్ము ఆస్పత్రి పాలైంది.. ఈఎంఐలు కట్టలేక, అప్పులు కుప్పలుగా పెరగడంతో సూసైడ్ చేసుకోవాలనే ఆలోచన వచ్చిందని చెబుతూ అందర్నీ ఏడిపించాడు.
అయితే ఇలా ఆత్మహత్య ఆలోచన ఎందుకు వచ్చిందంటూ అవినాష్‌పై అమ్మ రాజశేఖర్ ఫైర్ అయ్యాడు. ఎన్నో అవమానాలు, కష్టాలు పడితే గాని ఎత్తుకు ఎదగలేరు అని కొన్ని ప్రవచనాలు చెప్పాడు. వస్తూనే ఎవ్వరూ కూడా ఎదగరని, తాను ఎంతో ఎత్తుకు ఎదిగాను.. చివరకు ఆరు కోట్ల విలువైన ఇంటిని కూడా అమ్ముకోవాల్సి వచ్చింది.. కానీ ఏనాడూ కూడా అలా ఆత్మహత్య చేసుకోవాలని అనుకోలేదు.. అది తప్పు అంటూ అమ్మ రాజశేఖర్ చెప్పుకొచ్చాడు. కొరియోగ్రాఫర్, డైరెక్టర్‌గా అమ్మ రాజశేఖర్ ఎన్నో హిట్స్, ఫ్లాప్స్ చూశాడు. అయినా కూడా ఒకేలా ఉన్నాడు.