ఆహా ఎన్నో కార్యక్రమాలను ప్రసారం చేస్తూ పెద్ద ఎత్తున ప్రేక్షకులను సందడి చేస్తోంది.ఇప్పటికే ఎన్నో టాక్ షోలు సింగింగ్ కాంపిటీషన్ డాన్స్ కాంపిటీషన్ కార్యక్రమాలను ప్రసారం చేస్తున్నటువంటి ఆహా ఇదివరకే బాలకృష్ణ వ్యాఖ్యాతగా అన్ స్టాపబుల్ కార్యక్రమాన్ని నిర్వహించింది.బాలకృష్ణ వ్యాఖ్యాతగా వ్యవహరించిన ఈ కార్యక్రమం సూపర్ డూపర్ హిట్ కావడంతో ఈ కార్యక్రమ సీజన్ 2 నిర్వహించాలని పెద్ద ఎత్తున ప్లాన్ చేశారు.ఇప్పటికే ఈ కార్యక్రమానికి సంబంధించిన షూటింగ్ పనులు కూడా జరుగుతున్నాయని తెలుస్తోంది.
ఇకపోతే ఇప్పటివరకు ఆహా నుంచి ఈ కార్యక్రమానికి సంబంధించిన ఏ విధమైనటువంటి అధికారిక ప్రకటన వెలువడలేదు. అయితే తాజాగా ఆహా అధికారకంగా అన్ స్టాపబుల్ కార్యక్రమం గురించి క్రేజీ అప్డేట్స్ విడుదల చేశారు. అన్‌స్టాబుల్‌ విత్‌ ఎన్‌బీకే’ సీజన్-2ను ప్రారంభం అవుతుందని, దెబ్బకు థింకింగ్ మారిపోవాలా అంటూ షోపై క్రేజీ అప్డేట్ ఇచ్చారు. పండుగ మొదలయ్యేది అప్పుడే అంటూ క్యాప్షన్ కూడా ఇస్తూ ఈ కార్యక్రమానికి సంబంధించిన అప్డేట్ విడుదల చేశారు.
ఇలా ఆహా గురించి క్రేజీ అప్డేట్ రావడంతో అభిమానులు సైతం కచ్చితంగా ఈ కార్యక్రమం దసరా నుంచి ప్రసారం కాబోతుంది అంటూ పెద్ద ఎత్తున సందేహాలు వ్యక్తపరుస్తున్నారు.అయితే త్వరలోనే ఈ కార్యక్రమం స్ట్రీమింగ్ తేదీని కూడా ప్రకటించబోతున్నారని తెలుస్తోంది. ఇక మొదటి సీజన్లో ఈ కార్యక్రమానికి ఫస్ట్ గెస్ట్ గా మోహన్ బాబు హాజరయ్యారు అలాగే చివరిగా మహేష్ బాబు హాజరయ్యారు.అయితే ఈ సీజన్ ఫస్ట్ ఎపిసోడ్ మాత్రం మెగాస్టార్ చిరంజీవి హాజరు కాబోతున్నారంటూ పెద్ద ఎత్తున వార్తలు వస్తున్నాయి అయితే మరి ఎవరు మొదటి గెస్ట్ గా రాబోతున్నారు అనే విషయంపై కూడా ఆత్రుత నెలకొంది.