(ధ్యాన్)
విక్ట‌రీ వెంక‌టేశ్ ఇంట్లో త్వ‌ర‌లోనే పెళ్లి బాజాలు మోగ‌నున్నాయి. వివ‌రాల్లోకెళ్తే.. వెంక‌టేశ్ పెద్ద కుమార్తె ఆశ్రిత ద‌గ్గుబాటిని హైద‌రాబాద్ రేస్ కోర్స్ చైర్మ‌న్ సురేంద‌ర్ రెడ్డి మ‌న‌వ‌డికి పెళ్లి జ‌ర‌గ‌నుందని విశ్వ‌స‌నీయ వ‌ర్గాల స‌మాచారం. త్వ‌ర‌లోనే దీనికి సంబంధించిన వివ‌రాలు పూర్తిగా వెల్ల‌డ‌వుతాయి. అగ్ర క‌థానాయ‌కుడిగా కొన‌సాగుతున్న వెంక‌టేశ్‌కి ముగ్గురు కుమార్తెలు.. ఒక కుమారుడు ఉన్నారు. అందులో ఆశ్రిత మొద‌టి అమ్మాయి. వెంక‌టేశ్ ఇప్పుడు మ‌ల్టీస్టార‌ర్ చిత్రాల‌తో బిజీగాఉన్నారు. వ‌రుణ్‌తేజ్‌తో `ఎఫ్ 2` సినిమా చేయ‌గా.. త్వ‌ర‌లోనే నాగ‌చైత‌న్య‌తో వెంకీ మామ సినిమా చేయ‌బోతున్నారు.