ఈ మధ్య కాలంలో ఇంట్రస్టింగ్ టీజర్ – ట్రైలర్లతో ప్రేక్షకుల దృష్టిని బాగా ఆకర్షించిన చిన్న సినిమా ‘ఫలక్ నుమా దాస్’.విశ్వక్ సేన్ నటించి, దర్శకత్వం వహించిన ఈ చిత్రం విడుదలకు ముందు రోజు రాత్రి అయితే పదుల సంఖ్యలో థియేటర్లలో పెయిడ్ ప్రివ్యూలు వేసే స్దాయిలో ఈ చిత్రం క్రేజ్ తెచ్చుకుంది. ఐతే టీజర్.. ట్రైలర్ స్థాయిని ఏ మాత్రం రీచ్ కాలేక సినిమా చతికిల పడింది. ఫస్టాఫ్ బాగానే ఉందనుకున్నా సెకండాఫ్ పరమ బోర్ కొట్టేసింది.
కాక‌పోతే నైజాంలో కొన్ని ప్రాంతాల్లో వ‌సూళ్లు బాగున్నాయి. హైదరాబాద్ ఓల్డ్ సిటీ యాస, ఆ లొకేషన్ కొందమంది హైదరాబాద్ వాసులను ఆకట్టుకున్నాయి. అవి చూసి విశ్వక్ సేన్ కు పూనకం వచ్చేస్తోంది. రివ్యూలు అన్ని బ్యాడ్ గా రాస్తారా..నన్ను , నా సినిమాను విమర్శిస్తారా అంటూ వీర లెవిల్లో రెచ్చిపోతూ బూతులు మొద‌లెట్టాడు.
వాస్తవానికి ఈ సినిమాలో చాలా బూతులు క‌నిపిస్తాయి. టీజర్, ట్రైల‌ర్ల‌లో శాంపిల్స్ వినిపించాయి కూడా. `**గితే.. షేప‌వుట్ అయిపోతావ్‌` అనే డైలాగ్ ఉంది ఈ సినిమాలో. దాన్నే సెన్సార్ బీప్ చేసింది. ఆ డైలాగ్‌ని బ‌య‌టా వాడేస్తూ రెచ్చిపోతున్నాడు విశ్వక్. అక్కడితో ఆగకుండా `**గితే బాక్సాఫీసు షేప‌వుట్ అయిపోతుంది` అంటూ ఇన్‌స్ట్రాగ్రామ్ లో ఓ పిక్ ని, వీడియో పోస్ట్ చేశాడు. ఆ వీడియో మీరు ఇక్కడ చూడండి.
సినిమా కు వచ్చిన హైప్ కు , సినిమాకు సంభంధం లేకుండా పోయింది. మలయాళ సూపర్ హిట్ అయిన అంగమలై డైరీస్ కు రీమేక్ గా తెరకెక్కిన ఈ చిత్రం …హైదరాబాద్ నేటివిటిని కొంతవరకూ తేగలిగింది కానీ స్క్రీన్ ప్లే పరంగా బోర్ కొట్టించింది. ఫస్టాఫ్ బాగానే ఉన్నా..సెకండాఫ్ విసిగించింది. ఎంతసేపూ తాగటం, తిట్టుకోవటమే కథ అన్నట్లు సాగటం ఆడియన్స్ కు వెగటు కలిగించింది.