ప్రస్తుతం పాన్ ఇండియా సినిమా ఆసక్తిగా ఎదురు చూస్తున్న బిగ్ మూవీ “లైగర్”. టాలీవుడ్ రౌడీ హీరో విజయ్ దేవరకొండ అలాగే అనన్య పాండే హీరోయిన్ గా పూరి జగన్నాథ్ తెరకెక్కించిన ఈ లేటెస్ట్ భారీ ఏక్షన్ చిత్రం “లైగర్” మాసివ్ ప్రమోషన్స్ తో బిజీగా ఉంది.
ఇక ఈ సినిమా ప్రమోషన్స్ లో అయితే విజయ్ అన్ని భాషల్లో పాల్గొంటుండగా లేటెస్ట్ గా తెలుగులో ఇచ్చిన ఓ ఇంటర్వ్యూ లో తన నెక్స్ట్ ప్రాజెక్ట్ “ఖుషి” విషయంలో పలు కీలక వ్యాఖ్యలు చేయడం వైరల్ గా మారింది. తెలుగు ఆడియెన్స్ కి కళ్యాణ్ గారు చేసిన ఖుషి సినిమా ఒక ఎమోషన్ లాంటిది అని ఆ టైటిల్ తో నేను ఖుషి సినిమా చేయడం కాదని..
అయితే ఆ జెనరేషన్ లో ఆ చిత్రం ఎంత ముఖ్యమో ఎంత హిట్టయ్యిందో ఇప్పుడు ఈ జెనరేషన్ లో ఈ “ఖుషి” కూడా అంత మంచి విజయం సాధిస్తుంది అని తెలిపాడు. అంతే కాకుండా ఆ సినిమాని పేరుని పోగొట్టేలా ఈ సినిమా అయితే ఎక్కడా ఉండదని విజయ్ కామెంట్స్ చేయడం ఆసక్తిగా మారింది.
ఇంకా ఈ సినిమాలో అయితే స్టార్ హీరోయిన్ సమంత మరోసారి విజయ్ దేవరకొండ పక్కన హీరోయిన్ గా నటిస్తుండగా టాలెంటెడ్ దర్శకుడు శివ నిర్వాణ ఈ చిత్రాన్ని తెరకెక్కిస్తున్నాడు. అలాగే ఈ చిత్రాన్ని వచ్చే ఏడాది జనవరిలో రిలీజ్ చేసే ప్లాన్ చేస్తున్నట్టుగా భోగట్టా..