తన కొత్త ప్రాజెక్టు గురించి రూమర్స్ ప్రచారం చేయొద్దని ‘ఆర్‌ఎక్స్‌ 100’ సినిమా దర్శకుడు అజయ్ భూపతి అన్నారు. ‘ఆర్‌ఎక్స్‌ 100’ తర్వాత కొత్త సినిమాను అజయ్ ప్రకటించలేదు. ఈ నేపథ్యంలో ఆయన కొత్త సినిమాల గురించి రకరకాల రూమర్స్ ప్రచారంలోకి వచ్చాయి. తొలుత రామ్ హీరోగా అజయ్ సినిమా తీయబోతున్నారని చెప్పుకొచ్చారు. ఆ తర్వాత నితిన్, ఆ వెంటనే బెల్లంకొండ శ్రీనివాస్ తో చేస్తున్నారని అన్నారు. తాజాగా నాగచైతన్య ఆయన రెండో సినిమాలో నటించబోతున్నారని, ఆయన పోలీసు అధికారి పాత్రను పోషించబోతున్నారని రాశారు. ఈ వార్తలపై అజయ్ మంగళవారం స్పందించారు.
Naa rendo cinema eppudu,evaritho,elaa teeyalo naaku telusu
Plz stop the rumors— Ajay Bhupathi (@DirAjayBhupathi) April 30, 2019
‘నా రెండో సినిమా ఎప్పుడు, ఎవరితో, ఎలా తీయాలో నాకు తెలుసు. దయచేసి రూమర్స్ ఇక ఆపండి’ అని ఆయన ట్వీట్‌ చేశారు. అజయ్‌కు హీరో కార్తికేయ రిప్లై ఇస్తూ.. పగలబడి నవ్వుతున్న ఎమోజీలను షేర్‌ చేశారు. ‘ఆర్‌ఎక్స్‌ 100’ సినిమాలో కార్తికేయ, పాయల్‌ రాజ్‌పుత్‌ జంటగా నటించారు. ఎటువంటి ఎక్సపెక్టేషన్స్ లేకుండా విడుదలైన ఈ సినిమా పెద్ద విజయం సాధించింది. దీంతో ఆయన తర్వాతి ప్రాజెక్టుపై కూడా ఆసక్తినెలకొంది.